Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЛЯТФТАСАСЬК ВАЛДА ЛЕМОНЦ

Мзярда фашистскяй Германиясь врьгятсь странаньконь лангс, мокшэрзянь национальнай газетань и журналонь редакциятне эстокиге полафтозь эсь работаснон. «Семботь фронтти, семботь победать инкса!»—лозунгсь кайгсь эрь номерста, эрь страницаста, эрь колонкаста. Редакциятнень эса работай ламоц алятне тусть фронту. Кажнайть прясоль фкя мяль: «Перямс врагти кить, сяськомс, калмамс фашизмать!» Тяфтама арьсемаса тусь действующай армияв и мокшень асу поэтсь и журналистсь Фёдор Дурнов.  Лама теенза савсь ётамс военнай стакадонга стака кида. Аф пелезь воявась мокшень цёрась, ульсь лама вишке бойса. Родинать честец и славац теенза ульсть сядонга питнихть эсь эряфонц коряска.

 

Бта сембе фронтовикнень лемста Фёдор Дурнов макссь кемодонга кеме вал:

 

Но бойса улень мон аф

 

                                           весть,

 

Воинць содай питненц

 

                                         честть.

 

Илядан шиса или кулан,

 

Но трусокс сроду аф улян.

 

 

И сон кемоста кирдезе эсь клятванц, педа-пес пяшкодезе воинскяй долгонц. Поэтсь и журналистсь эряфонц максозе эсь Отечестванц инкса. Шавовсь сон 1944 кизонь 11 майста. Теенза ульсь аньцек 23 киза.

 

Тядде Фёдор Савватьевич Дурновонди топодель 100 киза. Нюрьхкяня, но валда ульсь сонь эряфоц. Шачсь поэтсь 1921 кизоня Ковылкинскяй райононь Порапа мокшень велеса. 1937 кизоня аделазе Мордовскяй рабфакть. Васенда работась учителькс, а сяльде—Ковылкинскяй районнай газетаса литературнай сотрудникокс.

 

Стихонь и сиде моронянь сёрмадома кармась нинге школаса тонафнемста. Синь лисендсть «Мокшень правда», «Комсомолонь вайгяль» газетатнень эса и «Колхозонь эряф» литературно-художественнай журналса.

 

1940 кизоня Фёдор Дурнов серьгятьфоль работама «Колхозонь эряф» журналу литредакторкс—эста ульсь тяфтама должность. Войнань васенце кизоть кенерсь нолдамс «Нюди» стихонь сборниконц. Сон пара мяльса васьфтьфоль лувихнень мархта и теенза максфоль оцю оценка.

 

Ф.С.Дурнов лац няфтезе эсь прянц и лия кяльста мокшеннети ётафтомаса. Сембода удалафне—М.Лермонтовонь, А.Пушкинонь, А.Плещеевонь, Генрих Гейнень, К.Хетагуровонь и содаф лия поэттнень кой-кона произведениясна.

 

Поэтти ламос эрямс ашезь сав. Вайгяленц сязезе аеркс войнась. Мзяра од книга сон нинге тяштель тейнек! Но сявок, мезе кенерсь тиемс, аф кржа, эряй мархтонк, минь седисонк-ваймосонк.

 

 

КУДУ СЁРМА

 

 

Аляй, тяда канзедь 

 

                     инксон,

 

Тяда пичедь—мон

 

                     шисан:

 

Якстерь Армияса

 

                     служан,

 

Тяшнян моронят,

 

                   шумбран.

 

Лятфнян веленьконь,

 

                 луганьконь,

 

Пиче вирть и Мокша

 

                       ляйть,

 

Велеть крайста

 

         тумонь рощать,

 

Тинге фталда начка

 

                     шяйть.

 

Коса шада ланга

 

                     венчса

 

Шабакс пингстон

 

              уйфнемайть,

 

Рощав пачфнемайть

 

                   и тейне

 

Калонь кундамать

 

              пяк шнайть;

 

Лятфнян, кода калхт

 

            ляйть лангса

 

Мархтот кунцеме

 

                       тунда,

 

Кода бреднек мархта

 

                  шаронтф

 

Эрьхкнень ланга

 

                     кизонда;

 

Лятфнян, кода

 

   тумстон корхнеть,

 

Тейне макссеть тон

 

                     накаст,

 

Кода ардомстонок,

 

                        аляй,

 

Сельмоветтне цють

 

                 срхкасть;

 

Кода тядязе руцянят

 

Тейне прянянц

 

            нолдазь стась,

 

И сонь щеканц ланга

 

                       валда

 

Путерькст лангозост

 

               синь прасть.

 

Аляй, тяда канзедь

 

                      инксон,

 

Тяда пичедь—мон

 

                       шисан:

 

Якстерь Армияса

 

                       служан,

 

Тяшнян моронят,

 

                  шумбран.

 

Фёдор ДУРНОВ.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022