Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ТОНАФТОМАЗЬ «ЩАВАНЬКЕ»

1947 кизоня, июльста,  Ковылкинав, партиянь райкому, сась распоряжения: нолдамс работаста редакциянь ответсекретарть Радинонь и прважамс ВКП(б)-нь обкому. Тя пингть кочксесть курсантт областной партийнай школав и сяс оцю мяльса  аноклань тоса  тонафнема.

 

Но кода ацергодсь седиезе, мзярда обкомса азозь: тердедязь аф тонафнема, а работама «Мокшень правда» газетав. Нолдаф прят аськолянь Печатень куду, аф мяль вельде сувань редакторть Горькинонь шири. Андрей Дмитриевич корхтась-тись мархтон, шназе фкя заметказень, конань пялес мокшекс, пялес рузкс сёрмадозь кучсине ковда инголе Ковылкинаста, и сёрмадсь приказ: путомс монь велень хозяйствань отделонь заведующайкс.

 

Виденц азомс, васенда дивандазевонь: пяк ни оцюкс, аф содамошинень коряс ульсь тя должностсь. А меколи содайне, мезьса тевсь. Войнань пингть мокшетнень газетасна лисендсь шуроста и ёмланяста, работась перьфканза кафта-колма ломань. А тяни  кармась лисендема сяда сидеста, а журналистт ашельхть. Тяконь лангс сонць редакторсь Горькин срхкась тонафнема Москуву, высшай партийнай школав. А обкомса мярьгсть теенза: редакцияв муят сатомшка работник—эста тонафнема нолдатядязь. И кармась Андрей Дмитриевич вешендема райоттнень эзга журналистт, конатнень анкетаса сёрматф «мордвин». Тяфта монга повонь «Мокшень правдав». Кода тяни няйса, Горькинонди ашель месть надиякшнемс монь лангозон: марса тейнек афи савсь работамс. Эстокиге  сон сявсь отпуск, а сяльде тусь Москуву тонафнема.

 

Работникта кржаль. Аф ламода мондедон ннголе примафоль партотделонь заведующайкс Илья Максимович Девин. Шраньке ащесть карань-каршек. Лия отделхне шавотольхть. А газетась эрь шиня вешсь строчкат. Дивандан, кода сатнесть виеньке тняра материалонь сёрмадомс.—Аньцек пингонь ётазь мувсть заведующайхть лия отделхненди—промышленнайти сась Михаил Андреевич Кяшкин, культураннети—Василий Михайлович Сурков.

 

Штоба отделхнень эса работальхть литсотрудникт, синь эрявсть васендакиге тонафтомс. Од редакторсь Руськин примсесь испытательнай срок мархта од цёрат и озафнезень заведующайхнень шраснон ваксс. Фкя пингть монь шразень ваксс озафтфтольхть ниле практикантт. Тя ламода стакалгофнезе работазень:  синь сёрматфснон эзда кржа мезе тушендсь газетав, да и сявок эрявсь аф весть  лувомс и петемс. А кода петьсайть тяфтама сёрматфнень: «С наступлением тунды паксятне оголяндавсть»? Фкя кизоста кемоньда лама практикант «тонафнесь» тяфта шразень ваксса. Ков-кафта муцясазь и эсь пряснон, и тонафтыснон и тяда меле туйхть.

 

Аньцек фкясь практиканттнень эзда аф нятнень кодямоль, тя—Илья Кишняков. Васенце шинякиге ушедсь работама вишкста и цебярьста. А недяляда меле дивандафтомазь сембонь—сёрмадсь «Велень учительница» очерк, конань эса мазы картинатне и характерхне тянемс мяляфтовихть. Илья Прокофьевич лядсь работама литсотрудникокс, а мзярда мон тунь тонафнема партийнай школав, сонь путозь отделонь заведующайкс.

 

«Мокшень правдаса» мон сёрмадыне мокшекс васенце рассказозень. Тяда меле ётась нильгемонь киза, лиссь кемголмува книгазе. И вов тяни эсь эряфозень квалма арьсемста, лац няйса, мезе макссь тейне родной газетазе: сон лездсь арамс тейне писателькс. Кода тя лиссь?

 

«Мокшень правдась» монь тонафтомань вайме потмонь смелшити, сргозьфтезе потмостон сянь, мезти мярьгихть творчества. Газетань материалхнень—статьятнень, фельетоттнень, очеркнень—ушедыне сёрмадома рузкс нинге войнада инголе районнай газетаса работамстон. Тяряфнень тяштемс рузкс художественнай произведеният—расскаст. Но синь ашесть лисенде. Кати-мес рузкс эрявсь арьсемс эрь предложениять, эрь валть лангса. А ушедонь сёрмадома мокшекс—бта мора моразевонь, валне синць лисихть, прязе аф синневи инксост.

 

Аф весть арьсень—мес тяфта? Вдь серезень касыне  руснень ёткса, родной кяльть школаса ашине тонафне, а писателень тефне сафтовихть аньцек мокшекс. А тевсь, бльшем, вов мезьса. Художественней произведениясь аньцек эста лиси, мзярда сонь нолдасак седить-ваймоть пачк. Пря вийсь касы тонафнемать, книгань лувондомать вельде. А ваймоньке максови шачемстонк и виензай сон семботь сянь кельгозь, конанди минь мярьктяма тядянь-алянь мастороньке, родной народоньке, родной кяленьке.

 

Тяфта лиссь аф аньцек монь мархтон. Аф содан фкявок мокшень писатель, кона ашезь работа «Мокшень правдаса», конань ашезе тонафта родной  газетац. Аф стак тяни сидеста можна кулемс сире писательхнень эзда, мзярда корхтамась ушеткшни «Мокшень правдать» колга—«минь Щаваньке».

 

Мялезе азомс, мзярда тя ушедсь. Ведьгемонце кизотнень ушетксста «Мокшень правдать» сёлгомста аф азовомшка ризнай журналисттне сёрмадсть эстеест «Пращамань вал», кона ушетфоль тяфта: «Кулось кельгома Щаваньке». Кати-кие кизефтезе Девинонь: «Кода сёрмадомс «Щавать?»

 

—Аньцек оцю букваста!—отвечась Илья Максимович.

 

Монга, штоба аф колсемс тя пара традициять, сёрмадыне тя материалсон оцю букваста кельгома «Щаваньконь».

 

В.РАДИН,

 

«Мокшень правда» газетать ингольдень велень хозяйствань отделонц заведующаец,  СССР-нь Писателень

 

союзонь член.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022