Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

КАЛМАМАНЬ КОЙХНЕ

Ломаттне верондасть, што сёрось, лисемок модать потмоста, сявонди эрьгя кулофнень,  эзда, синь валснон-мяльснон эзда. Сяс, озондомок кулыхненди, ломаттне анасть кядьстост козя урожай, пизем, шумбраши и эстеест, и жуватаснонды, сембе ломаттненди.

 

Ингольдень койхнень коряс, кулофнень плхнелезь и лангозост тиендсть оцю мархт, нолялезь караф шуфта потмоса ведьге, арьсемок, што тонашись ащи ведь кучкаса, островса, панда пряса. Куломдонза меле кулысь, тя мяльхнень коряс, пачкоди тя островти и тоса кармай эряма.

 

Мифологияса тяфтама островса или ведень пряса васенцеда шаченды эряфсь. Аф стак мокшэрзянь калмотне сяда меле тиендевсть ведть тона ширезонза, тона берякозонза, тонашиса, коза эряви ётамс люкай седня ланга.

 

Фольклорса куломась няфневи равжа шамафксса ломанькс, сон якай ульцява ломаттнень вальмалга, кулхцонды, коса эряй сюдоф ломань, сувси кудонцты, корхтай мархтонза, азсы теенза кулома шинц. Кепотьксонди, тя няеви «Од цёра и куломась» мороть эса.

 

Фольклорса тонашись ащи аф фкя вастса: ведь фтала, ведь потмоса, вирь кучкаса, колма панттнень фтала и тоза можна повомс и венчса, и нюрямняса, мода варянь пачк, и шуфта ланга. Ёфкснень эса ломанць повонды тоза мода варява и, тиемок тоса эсь тевонц, меки мрдай белай светти. Верованиятнень эса тонашити ётамась уленди шявня вельде, шяярь вельде. И кда ломанць цебярьста эрясь тя шиса, тонашисовок кармай тяфта жа эряма. Мокшэрзятне верондасть, што кулофне эряйхть и тяса, эсь ётксост и тонашиса, тона масторса, шкайхнень маласа. И што сон марнек ашезь юма, юмась сонь ронгоц, а аф ваймоц, ваймонц мархта сон аньцек тусь лия велес, тона велес, тонашис, тона масторс-модас. И сон тосовок эряй, кода эрясь и тяса ломаттнень ёткса, эсь кудсонза: кирди алашат, ваны тракст, сими-ярхцай.

 

Поминандамста кулыхненди макссесть симомбяль и ярхцамбяль, тяфта кулыхнень симнезь и аннезь. Шра лангста праф кши паморькскятнень кота недялянь перьф ашезь тяенде. Синь пяярькшнесть шрать алу и ванондсть почфса почетф шрать алонцты, улихть ли кодамовок пильгокит. Кда няихть катонь, саразонь пильгокит, содавсь—кулыхне сашендсть кудти инжикс. Кулофнень лемдемашистост ломаттне якасть теест инжикс—каванякшнезь, тернезь синь пиравама и морама, баняса эшеляма, ронгонь наряжама.

 

Мокшетнень арьсемаснон коряс, кие тястонь эряфса сокась-видесь, кодась карьхть, кирдсь нешкт, сёрмадсь панархт, тонашисовок сокай-види, кунци калхт, кирди нешкт, кодай карьхть, сёрмады панархт. Кда стирсь кулы апак тушентт рьвакс, эста тона масторсовок сон муй мирде и туй рьвакс теенза. Кда кулсесь ава—мархтонза ярхцамбяльда и симомбяльда башка путнесть пялес кштиртьф понань кесак, апак аделак котфонь панар, салмокс. Кда кулсесь аля—мархтонза путнесть апак кодак карь, цёканцер, лапат, надиямок, што тонашиса сембе тя пялес тиф тефнень аделасыне. Кулоф алять мархта путнесть атёкш, а авать мархта—сараз.

 

Минь эряфоньке ламода фкя лаца тонашиса эрямать мархта. Аньцек тоса кулоф ломаттне корхтайхть аф ломанькс, а нармонькс, синь аф корхтайхть, а чильняйхть, и, кда тоза онцта повонды живой ломань, то кулофнень корхтамасна теенза аф шарьхкодеви. Но кда тоса кулофсь мес-бди обжаф, мода лангса юкстазь сонь лемонц, лемозонза аф тиендихть лемдемат, то онцта сон корхтай сянь колга живой ломанть мархта и ся тяда меле тии лемдема и моли церькаву, тии обедня, крьвясти лемозонза штатол.

 

Сявф «Народть мяляфтомац пефтома» книгаста.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022