Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«АФ ВАНОМОК ПАНДЕМИЯТЬ ЛАНГС, АРЬСЕФСЬ ЁТАФНЕВИ ЭРЯФС!»

Мордовскяй (мокшень и эрзянь) народонь Межрегиональнай общественнай организациять председателец, профессорсь Ю.А.Мишанин:
—Юрий Александрович, кода содаф, аф ваномок пандемиять лангс—Мордовскяй (мокшень и эрзянь) народонь Межрегиональнай общественнай организациясь и сонь региональнай отделениянза аф лоткафнесасазь эсь тевснон мольфтемаснон. Сяс ёратама содамс: тяддеть ушетксста и тяниень пингти самс ётафтф мероприятиятнень эзда, конат, койсот, кандсть-сувафтсть инь лама эрьгя-вий мокшень и эрзянь кялень, национальнай культурань, межнациональнай и межкультурнай сотксонь ванфтомань и виияфтомань сфератненди?
—Конешна, пандемиять инкса ладяф ограничениятне кандсть тейнек кой-кодама прябалат. Но работаньке мольфтеви, и сембе арьсеф тевоньке ётафневихть эряфс стане, кода ладяфоль Мордовскяй (мокшень и эрзянь) народонь Межрегиональнай общественнай организациять Исполкомонц тяддень васенце заседанияса.
Тя форумса, кона ётафтовсь 17 мартста Мордовиять столицаса, Исполкомонь членда башка, конат сашендсть Россиянь 11 регионцта, рабочай шинь повесткать коряс мархтонк тяфта жа работасть Мордовия Республикань Оцюнять аф лама пингс тевонзон тиендисна А.А.Здунов, республикань Правительствань, Государственнай Собраниянь, Саранск ошень округонь  Администрациянь, Н.П.Огарёвонь и М.Е.Евсевьевонь лемса государственнай университетонь, национальнай культурань и печатень представительхть. Заседанияса ванондовсть Межрегиональнай организациять 2020 кизонь работанц итогонза и ладяфтольхть теенза оцю вешфкст-задачат 2021 кизонди.
Инь няевиксне эздост—Населениянь Всероссийскяй переписти лемтьф мероприятиятне, конатнень Межрегиональнай организацияти и сонь региональнай отделениянзонды эрявихть ётафтомс Мордовия Республикаса и Россиянь лия региоттнень эса, коса компактнайста эряйхть мокшэрзят. И, конешна, мокшень и эрзянь кяльхнень, национальнай культурать ванфтомста, виияфтомста и тонафнемста тяниень пингонь информационно-коммуникационнай технологиятнень школаса, вузса, библиотекаса сяда келиста тевс нолдамасна.
Заседанияса тяфта жа ванондовсть лия кизефкст, конатнень эряфс ётафтомасна ванфтсазь-виияфтсазь  и келептьсазь мокшень, эрзянь кяльхнень, минь национальнай культураньконь тевс нолямань сфераснон кода Мордовия Республикаса, стане и Россиянь лия региоттнень эса, коса компактнайста эряйхть мокшет и эрзят.
Тяниень пингс ётафтф мероприятиятнень ёткста, койсон, конанцка аш кода путомс васенце вастти. Сяс мес сембе синь, конат ётафтфт Москуса и Московскяй областьса, Татарстан, Чувашия Республикатнень, Нижегородскяй и странань лия областтнень эса мокшэрзянь национально-фольклорнай илань форматса и межрегиональнай, региональнай уровеньца, эсь няевикс путксснон коряс мокшэрзянь кяльхнень и национальнай культурать ванфтомаса-виияфтомаса ащихть няевикс вастса!
—Мзярда, коса и кодама форматса, Юрий Александрович, арьсекшневи тядде ётафтомс «Шумбрат» мокшэрзянь культурань Межрегиональнай илась?
—Тяддень 30 июльста Пензенскяй областень Даньшино велеса минь ётафтоськ мокшэрзянь межрегиональнай организациянь Исполкомть Президиумонц выездной заседаниянц. Лия эрявикс кизефкста башка, заседанияса нинге весть вановсь, кода тейнек сяда цебярьста ётафтомс «Шумбрат» мокшэрзянь национальнай культурань илать. И тейне пара азомс: заседанияса «Шумбрат» илань анокламань и ётафтомань сембе кизефкснень коряс минь саме марстонь мяльс.
Сяс тейне тячи ули кода пачфтемс лувихненди: «Шумбрат» мокшэрзянь культурань Межрегиональнай илась тяддень 4 сентябрьста очнай и онлайн форматса ётафтови Мордовиять столицаса. Республикань национальнай коллективда башка, «Шумбрат» иласа эсь маштомошиснон тяфта жа няфтьсазь мокшэрзянь национально-фольклорнай ся ансамбльхневок, конат сайхть Россиянь лия региоттнень эзда, коса компактнайста эряйхть мокшэрзят.
«Шумбрат» илать рамкаса тяфта жа ётафтови Межрегиональнай организациять Исполкомонц келептьф заседанияц. Пингстонза вановихть, лия оцю и эрявикс кизефкста башка, Населениянь Всероссийскяй переписень ётафтомать коряс кизефксне.
Исполкомонь келептьф заседанияса Россиянь мокшэрзянь активть мархта марса тяфта жа кармай работама Мордовия Республикань Оцюнять аф лама пингс тевонзон тиендисна А.А.Здунов.
—Улема, межрегиональнай организациянь Исполкомть келептьф заседанияса одукс кеподевихть ся кизефксне, конат ванондовсть Мордовия Республикань Оцюнять аф лама пингс тевонзон тиендиснон А.А.Здуновонь и тонь мархтот рабочай васедемаса?
—Рабочай тя васедемась ётафтовсь Республикань Кудса тяддень 14 майста. Васедемаса, кона ётафтовсь А.А.Здуновонь председательстванц ала, тяфта жа работасть Мордовия Республикань Оцюнять и Правительствань Администрациять руководителенц заместителенза—МР-нь Оцюнять Пресс-службанц руководителец Е.В.Башкирцева, внутренняй политикань Управлениять начальникоц А.В.Ратников, Администрациянь руководительть заместителец Л.Ф.Сабиров, Мордовия Республикань образованиянь министрть тевонзон тиендисна Е.П.Солдатова.
Рабочай васедемаса мон тиень выступления, коса азондонь пуромфненди Мордовскяй (мокшень и эрзянь) народонь Межрегиональнай общественнай организациять работанц и ся прябалатнень колга, конат машфтовихть аньцек республикань руководствать лезксонц вельде.
Рабочай васедемаса сембе кепотьф-корхтафтф кизефкснень эряфс ётафтомаснон коряс А.А.Здунов макссь конкретнай порученият, ладясь эряфс ётафтомань пинкт и синь инксост ответственнайхть.
Кепотьксонди, Мордовиянь Образованиянь министерствати тяддень 1 сентябрть самс республикань школатненди эрявихть максомс мокшень и эрзянь кяльхнень, кода государственнай кялень, тонафнемаснон коряс рекомендацият. Министерствати тяфта жа эрявихть анокламс мокшэрзянь кялень и национальнай культурань кабинеттнень тяниень пингонь оборудованияса пяшкодемаснон квалма и синь тонафнемаснон коряс интерактивнай уроконь ётафнемать колга рекомендацият.
Мордовия Республикань Оцюнянь и Правительствань Администрацияти марса муниципальнай райононь оцюнятнень мархта мярькф спонсорхнень вельде максомс эрявикс лезкс республикань школатненди мокшэрзянь кялень и национальнай культурань кабинеттнень тяниень пингонь оборудованияса пяшкодемста. Администрацияти тяфта жа мярькф кемокстамс Населениянь Всероссийскяй переписьта инголе ответственнай ломатть странань ся региоттнень инкса, коса компактнайста эряйхть мокшэрзят.
Мордовскяй (мокшень и эрзянь) народонь Межрегиональнай общественнай организацияти рабочай васедемаса мярькф тяддень 1 октябрть самс республикань Культурань, национальнай политикань и архивнай тевонь, Образованиянь министерстватнень, Мордовия Республикань Оцюнянь и Правительствань Администрациять лезксснон вельде арьсемс Рабочай группа и ушедомс тиема мокшень и эрзянь кяльхнень, национальнай культурать касфтомаснон-виияфтомаснон коряс Региональнай государственнай программа.
Кода няйсасть, Межрегиональнай организациять Исполкомонц келептьф заседанияса сембе ня кизефкснень вакска аф ётават.
—Юрий Александрович, кода ащихть тефне ся мероприятиятнень мархта, конат арьсекшневсть ётафтомс Крым Республикаса?
—Конешна, Мордовскяй (мокшень и эрзянь) народонь Межрегиональнай организациясь и сонь  региональнай отделениянза фалу вятихть работа мокшень и эрзянь кяльхнень, национальнай культураньконь ванфтоманкса и виияфтоманкса кода Мордовия Республикаса, стане и Россиянь лия региоттнень эса, коса компактнайста эряйхть мокшэрзят. Но тяка пингть минь эсь мероприятияньконь вельде кемокснесаськ и виияфнесаськ российскяй нациянь нароттнень ёткса межнациональнай и межкультурнай соткснень.
Кда корхтамс Крым Республикать колга, тоса тя работать тисазь  Межрегиональнай организациять региональнай кафта организациянза. Синь представительсна тяфта жа кармайхть работама мархтонк «Шумбрат» Межрегиональнай фестивальса, кона 4 сентябрьста ётафтови Мордовиять столицаса.
Тяда башка, Межрегиональнай организациять Крым Республикань региональнай отделениянза 14 августста Севастополь ошса ётафтыхть «Шумбрат» Межрегиональнай фестивальть рамкаса Крымонь финно-угорскяй народонь фестиваль.
Мордовия Республикаста тоза моли государственнай, общественнай и культурань деятелень делегация.
12 августста Керчь ошень Аджимушкайскяй каменоломнянь музейса ётафтови «Синь тюрсть Крымть инкса» книгазень презентацияц. Книгаса мон азондан Мордовиянь уроженецнень подвигснон колга, конатнень синь тиезь Великай          Отечественнай войнать пингста Крымть араламста и фашисттнень кядялда воляс нолдамста.
—Удаласт сембе арьсеф тевонте.
—Сюкпря!
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022