Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Финно-угорскяй народонь культурань Поволжскяй центрать директороц, философскяй наукань кандидатсь Е.Н.Ломшина: «Минь карматама покодема Российско-Финляндскяй ХХII культурнай форумса!»

—Елена Николаевна, кизоть ушетксста и тя пингти молемс, кодама мероприятият удалась ётафтомс финно-угорскяй центрати и кодама форматсна и уровеньцна? И кодама цельхть сатоде ня мероприятиятнень вельде?
—Тяниень пингс Поволжскяй центрась аноклась и ётафтсь очнай и онлайн форматса региональнай, межрегиональнай, всероссийскяй и международнай серень 25 мероприятия.
Сембе синь ётафтовсть Российскяй Федерациянь государственнай национальнай, государственнай культурнай политикань Стратегиятнень вешфксснон эряфс ётафтоманкса. Тяфта жа эряви азомс, ламонцне ня мероприятиятнень эзда аноклафтольхть Российскяй Федерациянь национальносттнень тевснон коряс Федеральнай агентствать, Мордовия Республикань Культурань, национальнай политикань и архивнай тевонь министерствать, мордовскяй (мокшень и эрзянь) народонь Межрегиональнай общественнай организациять, Россиянь народонь Ассамблеять Мордовскяй региональнай отделениянц и республикань лия народонь общественнай организациятнень лезксснон вельде.
Кепотьксонди, тяфта минь тядде анокласьк и ётафтоськ «Волгась—ялгаксшинь ляй. Волжскяй народонь культуратнень диалогсна» Международнай ХХ-це этнокультурнай экспедициять-фестивальть. Тякоть ули кода азомс «Наследия» Мордовиянь народонь национальнай культурань школа» образовательнай проектть, «Тядянь-алянь кяльсь—народть ваймоц» Мордовиянь народонь межнациональнай Республиканскяй онлайн фестивальть, «Мокшень, эрзянь кяльса диктант» международнай участия мархта  Всероссийскяй образовательнай акциять и лия оцю мероприятияньконь колга.
—Кода тяни корхнихть, кодама сатфксонте тинь улихть проектнай тевса? Лиякс мярьгомс, кода тядде Поволжскяй центраса мольфтевихть грантонь сатомать коряс тефне?
—Койсон, грантонь сатомать коряс работась Поволжскяй центраса мольфтеви сатомшка цебярьста. Минь работатама культурань инициативань Президентскяй фондть мархта,        макссетяма заявкат Российскяй Федерациянь Культурань министерствань Конкурсс и сидеста лисенттяма сяськикс.
Тяда башка, Поволжскяй центрась максси грантонди марстонь заявкат эсь партнёронзон мархта, конатнень ёткса Россиянь народонь Ассамблеять Мордовскяй региональнай отделенияц, республикань театратне, библиотекатне и культурань лия учреждениятне.
Кепотьксонди, тядде сатф грантонь ярмаконьконь  лангс республикань театратнень эса тифт интерактивнай зонат. Тоса, нолдамок тевс тяниень пингонь сенсорнай оборудованиять, любой зрительти ули кода мумс информация театрать историянц, инь содаф артистонзон, постановканзон колга. И, тяда башка, мумс информация Мордовиянь культурать сатфксонзон квалма, сонь касомань-вииямань кинзон колга тя или тона сфераса.
 Омбоце проектсь грантонь ярмаконьконь лангс ётафтови тяддень 21-22 августста Темниковса Мордовиянь И.М.Яушевонь лемса музыкальнай театрать вельде. «Темниковса кизонь театральнай сезон» проектть рамкаса зрительхне няйсазь Россиянь и Мордовиянь содаф композиторть Н.В.Кошелевать «Алёна Арзамасская» и «Мокшэрзянь легенда» балетонзон.
Надиян: кизоть аделавомс финно-угорскяй народонь культурань Поволжскяй центрати нинге аф весть удалай сяськомс эсь проектонзон мархта грантонь сатомань конкурсса. Но  сянь квалма карматама корхнема сяльде, факттнень коряс.
—Кодама работа вяти Поволжскяй центрась Населениянь Всероссийскяй переписть цебярьста ётафтоманкса?
—Кода содаф, Населениянь Всероссийскяй переписсь странаса ётафтови тяддень октябрьста. Тяфта жа содаф: финно-угорскяй нароттнень, а синь лувкссост и мокшэрзяннетьке, марстонь лувкссна ассимиляциянь и лия туфталонкса переписьста переписьс кири.
Сяс тядде Поволжскяй центрась ётафтсь и нинге ётафты очнай и онлайн форматса межрегиональнай мероприятият, конатнень вельде касфневи странань финно-угорскяй нароттнень национальнай самосознаниясна.
Тя работать вятемста оцю лезкс Поволжскяй центрати макссихть мордовскяй (мокшень и эрзянь) народонь Межрегиональнай общественнай организациясь и странань финно-угорскяй лия народонь общественнай структуратне.
—Елена Николаевна, «Шумбрат» межрегиональнай илать рамкаса, кона арьсекшневи ётафтомс 4 сентябрьста Мордовиять столицаса, кодама работа кармай вятема Поволжскяй центрась?
—Шарьхкотьф, «Шумбрат» межрегиональнай илать оцюдонга оцю потенциалонц вакска Поволжскяй центрати ётамс аш кода. Сяс минь тя илать рамкаса, коса кармайхть мокшэрзянь и странань лия финно-угорскяй народонь представительхть, карматама работама кафта площадкаса.
Васенце площадкаса ётафттама финно-угорскяй народонь панаронь-щамбялень фестиваль. Омбоце площадкась лемдеви финно-угорскяй нароттнень литератураснонды и национальнай культураснонды.
Надиян, минь тяфтама работаньке ня площадкатнень эса переписьта инголе хуш цютькада, но кеподьсы финно-угорскяй нароттнень национальнай самосознанияснон од уровеньц.
—Кода тячи ащихть тевонза Поволжскяй центрать омба масторонь финно-угорскяй мирть мархта?
—Тяддень 24 сентябрьста онлайн форматса ётафтови Российско-Финляндскяй ХХII культурнай форумсь. Пингстонза вановихть участникнень культурань проектсна, конатнень эряфс ётафтомасна канды лама цебярьда кафцьке ширетнень национальнай культураснонды.
Финно-угорскяй народонь культурань Поволжскяй центрась тя международнай форумса няфтьсы «Шумбрат, туристическяй Финно-угрия!» проектонц.
Надиян, тя проектть вельде форумонь участникнень ёткса минь мутама партнёрхт, конатнень мархта минь сонь ётафтсаськ эряфс.
—Удалаза арьсефонте.
—Сюкпря!
В.Нестеров.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022