Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Эрь номерсь аноклави лувить колга арьсезь

100 киза ни лисенди мокшень кяльса фкя и тяка газетась—«Мокшень правдась». Васенце шиста сявомок сонь смекаенза-арьсиенза фалу старандасть тиемс эрь номерть сядонга мялень шарфтыкс, содержанияс коре сяда козякс, пяшкотькшнемс лувиензон вешфксснон. Тя пингста «Мокшень правдаса» покодсь журналистонь аф фкя поколения, эсь кялень-валонь кельги ломатть, конат макссезь газетати седиень псиняснон. Тячивок редакцияса работайхть эсь тевонь лац содай журналистт, техническяй работникт, конат путнесазь сембе вийснон цебярь продукциянь нолдаманкса. Юбилеень карша пара мяльса азонттама синь колгаст и сянь, кода латцевихть газетань редакциять эрь шинь тевонза.
…Можна мярьгомс, што редакцияса рабочай недяляньке ушеткшни шуваланяста—тя шиня лисенди «Мокшень правдать» од номероц. «Псиняста» седиень таколдама мархта сонь ванондсазь аноклаенза. Мес таколдозь? Да сяс, мес сяка пелемась—афоль лисе кодамовок эльбятькс. Сяда тов од номерсь ванондови газетать главнай редакторонц И.С.Лушкинонь ширеса—планёркать пингста. Кда газетась лиссь аржаняфтома, коллективть лемс шнамань валонзон Иван Степанович аф ужяльнесыне, ну, а кда лиссь кодамовок эльбятькс, эста кирдеда.
Главнай редакторть кабинетонц каршеса сонь заместителенц  Н.М.Лобановонь кабинетоц. Николай Михайлович сась редакциязонк вете кизода инголе и эстокиге арась эсь ломанькс. Журналистонь тевсь теенза пяк лац содаф. Николай Михайлович сидеста уленди командировкаса тя или тона районца, васетькшни велеряйхнень мархта, а меле аноклакшни синь колгаст мялень салай зарисовкат. Рекламань тевтьке вятьсы лац, тяниень пингть, шарьхкотьф, рекламафтома изданиятненди аш кода.
Газетань номерсь фкя шиста аф аноклави, сёрмадыхне работайхть материалхнень лангса недяляньберьф. Инголенди арьсекшневи кинди молемс интервьюс, кодама темас коре анокламс статья. Мзярда материалсь сявф, отделхнень эзга кярьмотькшневи сёрмадомати. Кепотьксонди, культурань, высшай школань и образованиянь отделть вятьсы Т.В.Альшина. Редакцияса Татьяна Владимировна покоди комозьда лама киза ни, сяс тевонц содасы пяк лац и маштозь тиендьсы. Сон тяшни материалхт аф аньцек культурань, образованиянь темас, но и азонкшни-пачфни эряфонь лия ширетнень колгавок, а стане жа петнесыне-тиендьсыне редакцияв кучф статьятнень.
Марса Т.В.Альшинать мархта отделса покоди старшай корреспондентсь В.И.Нестеров. Кеветиеда лама киза ни ётась ся пингста, кода Владимир             Иосифович аськолдась редакциять порогонц вельхкска. Лувихненди сонь статьянза лац содафт и фалу учендовихть. Татьяна Владимировна и Владимир Иосифович эрь мезне старандайхть арьсемс мезе-мезе одня, штоба кеняртьфтемс лувихнень.
Кулянь отделти вятикс кемокстаф О.В.Евдокимова. Сонга редакцияса ломанць аф од ни. Сась ширезонк нинге студенткакс, Н.П.Огарёвонь лемса МГУ-са тонафнемстонза. Ульсь корреспондентокс, старшай корреспондентокс, тяни отделонь редактор.
Материалхне кочкафт, сёрматфт. Сяда тов синь прважавихть секретариату, коса морафнесазь-петнесазь ответственнай секретарсь З.В.Шукшина и сонь заместителец Е.И.Ляхманова. Фкявок эльбятькскя аф мяни тя козя опыт мархта, тевонь содай, ответственностень марязь работай ломаттнень эзда. Секретариатть эсь ёткованк лемнесаськ «пси цехокс». И тя аф стак. Тяса аф аньцек ётнихть проверка сёрматф статьятне, но и пяшкотькшневи лама лия тевда. Газетась вдь козя аф аньцек серматфть, но и картинкатнень-иллюстрациятнень вельде. А оформлениянь ширде «Мокшень правдась» най шнашендови. Эрь номерть мазоптоманц лангса пряснон синнесазь З.В.Шукшинась и Е.И.Ляхмановась. Синь лац содасазь, кодама иллюстрациятне ладяйхть информационнай тексттненди, а кодама картинкат кочкамат пеетькс пакшкятненди, пеетьфти-сингоряй азксненди.
Газетать мазоптомаса секретариатти оцю лезкс                        максси фотокорреспондентоньке Н.П.Каранов.
Аш кода аф лятфтамс «Мокшень правдать» специальнай корреспондентонзон И.П.Вешкинонь и Н.П.Циликинонь. Синь кеме соткст кирдихть велеть мархта, кода аш кивок лиясь содасазь кода эряйхть велеряйхне, мезсь синь пичефтьсыне-таколфтсыне и тянь колга пачфнихть газетаньконь страницанзонды.
Сяда тов эсь лацонь экскурсияньконь поладсаськ компьютернайса. Мзярда материалхне тяштьфт, ванфт секретариатса, синь пачфневихть тя кабинету. Тяса статьятнень печатласазь компьютернай наборонь операторхне Н.В.Якушкина и Т.В.Сыркина. Афи фатят, кода пяшкотькшнесазь эсь тевснон, аньцек кандсак статьять, ванат, сон анок ни. Сурсна клавиатурать ланга налхкозь налхкихть. А вдь печатламась аф тёждя. Сембода лияда башка, эряви улемс пяк внимательнайкс, штоба аф нолдамс эльбятькс.
Тяка жа кабинетса покодихть художественнай редакторхне М.А.Земченкова и Н.И.Безбородова. Синь латцесазь полосатнень эзга уликс материалхнень, фотоиллюстрациятнень, лиякс мярьгомс, заняфт газетать вёрстканц мархта. Тевснон тиендьсазь курокста, тя васендакиге сяс, мес пяк лац содасазь компьютерть. Тя техникать мархта сотф эрь кизефкссь теест вийс коре.
Вёрсткада меле анок поласатне пачкотькшнихть главнай редакторть И.С.Лушкинонь шранц лангс, коса ётасазь мекольце проверкать. Сяда тов газетать киц моли типографияв. И вов тага шуваланясь, и минь кирдьсаськ кядьсонк «Мокшень правдать» од номеронц. И тага седиеньке пяшкотькшни таколдомада. Аф най сянкса, нолдафт-аф эльбятькст, васендакиге сянкса, кода васьфтьсы-примасы сонь кельгома лувиеньке.
О.Васильева.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022