Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ТЕФНЕ ТИЕНДЕВИХТЬ ОТВЕТСТВЕННОСТЕНЬ МАРЯЗЬ!

27 сентябрьста Саранскяйса «Единая Россия» Всероссийскяй политическяй партиять Мордовскяй региональнай отделенияц ётафтозе XXIX конференциять 4-це этапонц. Пингстонза республикань единороссне ванондозь «Осень-2021» кочкамань кампаниять итогонзон, кочкасть эсь ёткстост Мордовия Республикань Государственнай Собраниянь Председателень и Саранск ошень округонь депутатонь Советонь Председателень должносттненди кандидатт, ванондозь лия кизефкснень.

 

 

«Осень-2021» кочкамань кампаниять итогонзон колга пуромфнень инголе доклад тись «Единая Россия» партиянь Генеральнай Советонь членць, Мордовскяй региональнай отделениять секретарец В.В.Чибиркин.

 

«Российскяй Федерациянь Федеральнай Собраниянь кафксоце созывонь Государственнай Думав депутатонь, Мордовия Республикань Оцюнянь, Мордовия Республикань сисемце созывонь Государственнай Собранияв и Саранск ошень округонь сисемце созывонь депутатонь Совету, а тяфта жа Мордовия Республикань муниципальнай райононь, ошень и велень поселениянь  Советтненди депутатонь кочкаматне,—мярьгсь В.В.Чибиркин—«Единая Россия» партиять Мордовскяй региональнай отделениянц работанцты макссть видешинь афкуксонь оценка.

 

Тяда башка, кочкаматне республикать политическяй и социально-экономическяй касомаса-вииямаса арасть инь няевикс этапокс!»

 

Сяда тов В.В.Чибиркин пачфтезень пуромфненди «Осень-2021» кочкамань кампаниять основной итогонзон. Нят—Российскяй Федерациянь Федеральнай Собраниянь кафксоце созывонь Государственнай Думав депутатонь кочкамста «Единая Россия» партиять инкса максозь эсь вайгяльснон кочкайхнень 66 процентсна. Ю.В.Оглоблинать инкса, кона «Единая Россия» партиять эзда кочкафоль Государственнай Думав депутатокс 23№ одномандатнай избирательнай округса, максозь вайгяльснон кочкайхнень 57,44 процентсна.

 

Мордовия Республикань Оцюнянь кочкаматнень пингста А.А.Здуновонь инкса, конань тя должностьс кандидатокс азозе «Единая Россия» партиясь, вайгяльснон максозь кочкайхнень 78,26 процентсна.

 

Мордовия Республикань сисемце созывонь Государственнай Собранияв и Саранск ошень округонь сисемце созывонь депутатонь Совету депутаттнень кочкамста «Единая Россия» партиять инкса вайгяльснон максозь кочкайхнень 67,21 и 48,21 процентсна.

 

Муниципальнай кочкамаса «Единая Россия» партиясь сатсь депутатонь 2246 васта или депутатонь мандатонь марстонь лувксть эзда 97,01 процентть.

 

Сяс ули кода азомс: кочкаматнень итогсна мярьгондихть тиемс «Единая Россия» партияти доминирующай фракцият Мордовия Республикань Государственнай Собранияса, Саранск ошень округонь депутатонь Советса, муниципальнай сембе образованиятнень эса, кода райононь, стане и велень уровеньца.

 

Кулхцондомок отчётнай докладть, конференциянь делегаттне кемокстазь сонь фкя мяльса.

 

Сяльде конференцияс пуромфнень инголе тись выступления Мордовия Республикань руководительсь А.А.Здунов.

 

—Кельгома ялгат,—мярьгсь пуромфненди А.А.Здунов.—Кода тяни минь содасаськ, «Осень-2021» кочкамань кампаниясь Мордовия Республикаса ётафтовсь лац-ряц, кеме дисциплина мархта и оцю ответственностень марязь. Сяс, койсон, «Единая Россия» партиянь Мордовскяй региональнай отделенияти сембе тевонзон тяфта жа эрявихть вятемс сяда тов. Сяс мес самай тянь коряс минь колганк, тевоньконь и марстонь сатфксоньконь колга кармайхть арьсема ломаттне!

 

Сяда тов выступлениясонза А.А.Здунов серьгядезень кочкаф депутаттнень эзк ушедомс избирательхнень наказснон эряфс ётафтомаснон коряс работать, аф кадондомок сонь вандыень шити.

 

Лиякс мярьгомс, эрь тевса тейнек эряви сатнемс цебярь результатт. И эста республикань эряйхне фалу кармайхть кирдема «Единая Россия» партиять ширенц.

 

Тяда башка, республикань обществать кемокстаманкса и работаса оцю и цебярь результатонь сатоманкса Мордовиянь законодательнай эрь органца «Единая Россия» партиянь фракциятненди эряви ладязь работамс лия партиянь депутаттнень мархта.

 

Тяда меле «Единая Россия» партиянь Уставть вешфксонзон коряс, конференциянь участникне кочкаф депутаттнень-единоросснень ёткста азсть кандидатт Мордовия Республикань Государственнай Собраниянь Председателень и Саранск ошень округонь депутатонь   Советонь Председателень        должносттненди. Сембе кандидатуратне сувафтфтольхть тайнайста  вайгялень максомань бюллетеньц.

 

Тайнайста вайгялень максомать ётафтомдонза меле содавсь: Мордовия Республикань Государственнай Собраниянь Председателень должностти кандидатокс кочкаф «Единая Россия» партиянь Генеральнай Советонь членць, Мордовскяй региональнай отделениять секретарец В.В.Чибиркин, Саранск ошень округонь депутатонь Советонь Председателень должностти кандидатокс кочкаф М.Е.Евсевьевонь лемса государственнай педагогическяй университетонь научнай работать коряс проректорсь, профессорсь Т.И.Шукшина.

 

Сяда тов конференциянь участникне ванозь партиянь лия кизефкснень.

 

 

В.НЕСТЕРОВ.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022