Поиск по сайту: 
 
Наши мокшанские сыновья и дочери
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Благотворительность
Указы Главы РМ
Религия
Люди и дела
Закон и порядок
АПК
Обо всем понемногу
Экономика
Мокшень правде-100!
Наша семья
Письма из села
Юмор и сатира

Архив
 май 
 2022 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 
Тема дня

АРТЁМ ЗДУНОВ ПРИМАСЬ УЧАСТИЯ МИХАИЛ МИШУСТИНОНЬ СОВЕЩАНИЯСА

25 октябрьста МР-нь Оцюнясь Артём Здунов Москуса Россиянь Правительствать Координационнай центрасонза примась участия мировой рынкатнень питнень ладямань конъюнктураснон и странаса питнетнень ладямаснон лангс сонь влияниянц кирьфтаманц коряс мератнень колга стратегическяй сессияса. Тяконь лувксса корхтамась мольфтевсь азотнай удобрениятнень лангс питнетнень ладямаснон колга.

 

Россиянь Правительствать Председателец Михаил Мишустин, панжемок сессиять, лятфтазе, што велень хозяйстваса сай кизоть итогонза тиендевихть тяддень сёксенда ни. «Президентсь мярьгсь лац-ряц ваномс уликс тефнень и 1 ноябрти молемс арьсемс Европань странатнень эса энергиянь аф сатнемать сюнеда кальдяв последствиятнень коряс Россияса рискнень машфтоманкса мерат. Тяконь лувксса—азотнай удобрениянь, металлургическяй продукциянь и продовольствиянь рынкатнень дестабилизацияснон инкса,—мярьгсь премьер-министрсь.—Мярьгондян тячи ваномс сянь, штоба, фкя ширде, максомс гарантия внутренняй рынкаса удобрениятнень доступнайшиснонды, а омбоце ширде—ванфтомс тяфтама товаронь российскяй производительхнень конкурентнайкс улемаснон и экспортнай возможностьснон. Вдь тянь эзда ащихть продуктатнень питнесна».

 

Мордовияти аграрнай отраслять удобренияса обеспечандамать коряс кизефксне пяк важнайхть—республикась ащи васенце васттнень эса Приволжскяй федеральнай округонь и Российскяй Федерациянь региоттнень ёткса велень хозяйствань продукциянь объёмть, сявомок мяльс фкя ломанти, ноляманц коряс. Тяддень 9 кофне тянь кемокснесазь—Мордовиясь васенце вастса Россияса и васенце вастса ПФО-са саразонь алонь и лофцонь, 6 вастса Россияса и 2 вастса ПФО-са—сиволень получамаса. Республикась аф аньцек сонць марнек обеспечендакшнесы эсь прянц сивольса, лофцса, саразонь алса и перень сёроса, но и мишендьсы эсь продукциянц лия региоттненди. Сонь башка видонзон коряс лия региоттненди пачфневи производствать 40 процентста сявомок 60 процентти молемс объёмоц.

 

2021 кизоня республикань аграрийхне урожай алу нолдасть тевс 150 тёжянь тонна удобрения. Сай кизонь урожаень касфтоманкса арьсекшневи рамамс 155 тёжянь тонна удобрения—тяниень пингть республикань хозяйстватненди пачфтьф ни 60 тёжянь тонна удобрения.

 


28.10.2021 №42
 
 
 

 
НОВОСТИ

Зубово-Полянскяй райононь оцюнясь В.А.Поршин:«Эрь тевсонк васенце вастса ащи ломанць!»

Зубова Полянась васенцеда лятфневи 1680 кизоста сявомок Керенскяй засечнай чертань служилай ломаттнень Зубофнень фамилияснон коряс, синь тя ширеса азорхтольхть. Лемть омбоце пяльксоц пачфни, што тяса кужель, вирьса шуфттнень эзда ароптф вастоль. Сире пинкнень тияк ётнесть Шацк-Спасск алашань кись, Зубова Полянань почтовай станциясь. Машина кить строямста посёлкась вишкста кассь. Тяниень пингть Зубово-Полянскяй районца улихть оцю предприятият, конат лезнихть виияфнемс марнек Мордовиять экономиканц. Кепотьксонди, «Плайтерра» фанерань нолдай компаниясь и Вышинскяй деревообрабатывающай комбинатсь. Лама киза Зубова Поляна посёлкаса ноляй электроннай оборудования «Радиодеталь» заводсь. Оцю тефт тиендихть наказамань ётамань учреждениятне. Пцтай эрть эса улихть стамань цехт, шуфтонь и металлонь обработкать коряс производства. Аф кржа рабочай васта максси «Талина» компаниясь, кона мольфти районца аграрнай бизнес. Инголи моли технология мархта ня предприятиятне сявондихть работама сембе ширде аноклаф, квалифицированнай ломатть, сянкса зарплатавок пандыхть цебярь.
 
 

Корреспондентоньке аф кунара васьфнесь Зубово-Полянскяй райононь оцюнять Владислав Алексеевич Поршинонь мархта и кизефнезе, кода Мордовиянь инь оцю районца ётафневихть эряфс национальнай проекттне.

12.05.2022  № 18
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

 
5 майста Республикань Кудса ётафтовсь МР-нь экономикать ширенц кирдеманц и кемошинц ванфтоманц коряс антикризиснай штабть заседанияц. Мордовиянь Оцюнясь Артём Здунов Правительствань члеттнень мархта ванозь тефнень мольфтемаснон главнай отраслятнень эса.

 

МР-нь экономикань, торговлянь и предпринимательствань министрть заместителец Александр Анохин азозе, што регионца сембе пингть мольфтеви питнетнень мельге ваномась. Потребительскяй рынкаса товархненди вешфкссь ладявсь, товаронь аф улема аш.

 

12.05.2022  № 18
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Мордовиянь Оцюняти пара койкс арась Победань шиня якамс Великай Отечественнай войнань ветераттнень шири. 9 майста сон лична поздравляндазе великай праздникть мархта Фёдор Яковлевич Головинонь, кона эряй Рузаевкаса.
 

 

 

Фёдор Яковлевич шачсь 1926 кизоня Кадошкинскяй райононь Майдан велеса. 18 кизоса цёракс 1943 кизоня сявфоль фронту. Васьфтезе Победать Чехословакияса. Казьф Отечественнай войнань II степенень орденца, «За боевые заслуги» медальса и юбилейнай медальхнень мархта.

 

«Максоза Шкабавазсь сембонди шумбраши и мир сембе мирса!»—приветствовандазе региононь руководительть Фёдор Яковлевич.

 

12.05.2022  № 18
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

9 майста Мордовиянь Оцюнясь Артём Здунов телефононь пачк корхтамста поздравляндазень ветераттнень и тылонь труженикнень священнай илать—Победань шить мархта. Сон спасибась геройхненди советскяй народть великай подвигонцты путксонкса.

 

«Седи ваксста поздравляндатя Тонь Победань шить мархта! Сюкпря Тейть сембонкса,  мезе тиеть странаньконди, Мордовияти! Арьсян лама киза эрямс, кеме шумбраши и сембе цебярть!»—мярьгсь Артём Алексеевич Касим Садыкович Искандяровонь мархта телефононь пачк корхтамста.

 

Касим Садыкович примась участия Курскяй тюремаса. Омбоцеда передовойти повсь 1943 кизоня. Эсь девизиянц мархта пачкодсь Витебскяи. Казьф Отечественнай войнань I степенень орденца и «За отвагу» медальса. Тяни эряй Лямбирьса.
 

12.05.2022  № 18
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Шуваланяста, 5 майста, Артём Здунов васетькшнесь Мордовиянь ветеранскяй активть мархта. Васедемаса примасть участия республикань райононь ветеранскяй организациянь председательхне и члеттне.

 

Тяддень мартста организацияти топодсь 35 киза. Мордовиянь Оцюнясь азозе, што Ветеранонь советть оцю значенияц регионца, сон путни сатомшка оцю путкс од поколениять воспитандаманцты. Корхтафоль памятниконь тиемать коряс Военно-историческяй обществать мархта марстонь работать и Сурскяй рубежень строяйхненди музеень панжемать колга.

 

«Кда аф тинь советонте, тейнек улель стака ламоц важнай задачатнень пяшкодемста. Башка мяль тячи, конешна, эряви шарфнемс од ломаттнень воспитандамаснонды, сянди, мезе тиендеви школатнень эса. Интернетса лама аф видексонь информацияда, конань вельде ули кода тиемс кальдяв од ломаттненди, сяс кадондомс мялень апак шарфтт тя категориять аш кода»,—мярьгсь Артём Здунов васедемать панжемста.
 

12.05.2022  № 18
 

СЕДИЕНЬ ТАКОЛДОМА И ОЦЮ КЕНЯРДЕМА КАННИ ТЕЙНЕК 9 МАЕНЬ ШИСЬ!

Победань шиня Саранскяйса и Мордовиянь райоттнень эса ётафтовсть мероприятият, конат лемтьфтольхть 1941-1945 кизотнень Великай Отечественнай войнаса Сяськомать 77 кизонь топодеманцты.

 

Саранскяйса Победань площадьса ётафтовсь торжественнай митинг. Ся кизонь пелькс событиянь участникненди и свидетельхненди сюконяма, сяськиень поколенияти спасибань азома, сембонь сятнень лятфтама, кит тяни ашет мархтонк, сашендсть ошеряйхне и Мордовиянь столицань инжихне.

 

Торжественнай митингть панжемста Мордовиянь Оцюнясь Артём Здунов поздравляндазень пуромфнень странаньконь историяса Великай шить мархта: 

 

«77 кизода тяда инголе Советскяй народсь аралазе родной Отечестваньконь,  нолдазе воляс фашизмать  эзда ламоц странатнень и нароттнень. Республикасонк шачф-касф ломаттне тиендсть героень тефт сембе фронттнень эса: Брестскяй крепостть араламста, Москуть, Ленинградть, Севастопольть инкса ащемста, Сталинградть ала и Курскяй дугать лангса тюремста, Украинань, Белоруссиянь союзнай республикатнень и сембе Европать воляс нолдамста. Тылонь труженикне, аф ваномок ашушить и вачашить лангс, сатнезь Победать станокнень ваксса, паксяса, Сурскяй рубежса и госпитальхнень эса. Марса аватнень и сире ломаттнень мархта тылса стакат-сталмот кирдсть шабатне. Вечнай толть ваксса минь сюконяфнесаськ пряньконь сембонь сятнень лятфтаманкса, кие ашезь мрда войнаста, кие эреклафнезе народнай хозяйствать войнада меле. Сембось тя тиф минь инксонк, шабаньконь, сяськиень сай пингонь поколениятнень инкса!»

 

 
12.05.2022  № 18
 

«Бессмертный полк России» ООД-ть Мордовия Республикань региональнай отделениянц штабонц руководителец Н.А.КРУЧИНКИН: «ТЯДДЕ "БЕССМЕРТНЫЙ ПОЛК" ШЕСТВИЯСЬ КАРМАЙ АСЬКОЛЯМА МАРНЕК СТРАНАТЬ ЭЗГА!»

 
Несколька ши ляткшни оцю и марстонь праздникти—Сяськомань Шити. 9 Майть  тядде сембе учсаськ сядовок оцю мяльса, сяс мес «Бессмертный полк» шествиясь, кона мекольдень кафта кизотнень странаса коронавирусть келемоманц мархта сотф эпидемиологическяй мялень аф кеподи обстановкать сюнеда ашезь ётафнев, кармай очнай форматса! Тя кулясь эстокиге пачкодсь ломаттненди и арась теест оцю казнекс 9 Майти анокламста.

 

Ня шитнень «Мокшень правда» газетать корреспондентоц васьфнесь «Бессмертный полк» Общероссийскяй общественнай движениять Мордовия Республикань региональнай отделениянц штабонц руководителенц, 1941-1945 кизотнень Военнай и трудовой подвигонь Мемориальнай музейть директоронц Н.А.Кручинкинонь мархта, кона пачфтсь, кода  мольфтеви анокламась «Бессмертный полк» шествияти.

 

 
05.05.2022  № 17
 

Ванондовсть пожаронь инголдамань кизефксне

МР-нь Оцюнясь Артём Здунов 29 апрельста васетькшнесь РФ-нь гражданскяй араламань тефнень, чрезвычайнай ситуациятнень и стихийнай зияттнень лятксснон машфтомаснон коряс министрть заместителенц Николай Гречушкинонь мархта. Ванондовсть республикать и федеральнай министерствать ёткса марстонь тевонь вятемань кизефксне.

Министрть заместителец башка мяль шарфтсь МЧС-нь региональнай управлениять лац ладяф работанц лангс.

Васедемаса ванондовсть регионть территорияса чрезвычайнай ситуациятнень инголдамаснон и машфтомаснон, пожархнень эзда аралафшить ванфтомаснон коряс кизефксне. Тяконь лувксса корхтамась мольфтевсь специализированнай пожарно-спасательнай частьтнень виияфтомаснон колга.

05.05.2022  № 17
 

Касы коронавируснай инфекцияса сярядихнень лувкссна

29 апрельста ётафтовсь коронавируснай инфекциять инголдаманц и келемоманцты кить персеманц коряс региональнай оперативнай штабть  заседанияц. Сонь работасонза примась участия Мордовиянь Оцюнясь Артём Здунов.

 

«Коронавируснай инфекцияса урмаськодомать мархта тефне Мордовияса ашесть полафта—300-та лама пациент пчксихть ковиднай госпитальхнень эса. Ваномс, штоба Маень праздникнень пингста массовай пуромксне афольхть ара урмаса сярятькстыхнень лувксснон касомаснонды туфталкс»,—мярьгсь регионть руководителец.

 

МР-нь Правительствать Председателенц заместителец Галина Лотванова азондсь эпидемиологическяй  тяниень пингонь ситуациять и коронавируснай инфекциять эзда населениять вакцинациянц мольфтеманц колга.

 

Ётай недялять коряс 19 процентта кассь госпитализированнайхнень лувкссна, сяда лама арась стационарса пчкафневи идьта. Коллективнай иммунитетсь кирсь и тячиень шити сон арась 52,7 процент.

 

05.05.2022  № 17
 

ВАЛЕРИЙ ГЕРГИЕВ САРАНСКЯЙСА ЁТАФТСЬ БЛАГОТВОРИТЕЛЬНАЙ КОНЦЕРТ

3 майста И.М.Яушевонь лемса Государственнай музыкальнай театраса ётафтовсь Валерий Гергиевонь управлениянц ала Мариинскяй театрань Симфоническяй оркестрть благотворительнай концертоц.

 

Тядде Саранскяйсь тага сувась Очижинь фестивальть Московскяй маршрутозонза, конань рамкаса содаф коллективсь няфни концертт марнек странать эзга. Фестивальсь ушедсь 18 апрельста и шумордави 9 майста, тя пингста оркестрань музыканттне ётайхть 20 тёжяньда лама вайгяльбе и молихть 25 ошс. Тяддень гастрольнай турсь лемдеви Великай Победать 77 кизонцты.
 

 

05.05.2022  № 17
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин