Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЭСЬ ЛЕМОНЦ МАРХТА КАНДСЬ МОКШЭРЗЯНЬ НАРОДТИ ОЦЮ СЛАВА

Кода содаф, тяддень 8 ноябрьста топодсь 145 киза сембе мирса содаф скульпторть С.Д.Эрьзянь шачема шистонза. И тя юбилейнай кизоня Мордовия Республикаса и странань лия региоттнень эса, коса компактнайста эряйхть мокшэрзят, С.Д.Эрьзянь лемс ётафтовсь лама аф фкя лацонь мероприятия.

 

Фкясь синь эздост искусствань илань форматса «Мокшэрзянь модань великай мастер» лем ала 16 ноябрьста ётафтовсь Саранск ошень П.С.Кирилловонь лемса Краеведческяй библиотекаса.

 

Пингстонза Саранск ошень мокшень, эрзянь кялень и литературань педагокне, творческяй интеллигенциянь представительхне, библиотекарьхне ванозь «Генийть мрдамац» кинофильмать, коса азондови С.Д.Эрьзянь колга и  азондозь эсь мяльснон великай и гениальнай скульпторть творчестванц колга.

 

Иласа синь тяфта жа кулхцондозь Мордовия Республикань Заслуженнай поэтть Рая Орловать од стихонзон, конат лемтьфт С.Д.Эрьзянди. Мокшень содаф поэтть Александр Малькинонь С.Д.Эрьзянди лемтьф стихонзон пуромфненди лувозень П.С.Кирилловонь лемса Краеведческяй библиотекань заведующайсь Н.М.Бояркина.

 

Мордовскяй (мокшень и эрзянь) народонь Межрегиональнай общественнай организациять Саранск ошень Октябрьскяй райононь отделениянц председателец, Мордовия Республикань Заслуженнай учительсь В.М.Никонова:

 

—Мокшэрзянь Межрегиональнай организациять Октябрьскяй райононь отделениянц лемста приветствовандатядязь тинь искусствань иласа, кона лемтьф мокшэрзянь народть великай цёранц, сембе мирса содаф скульпторть С.Д.Эрьзянь шачема шиста 145 кизонь топодемати!

 

Надиян, «Мокшэрзянь модань великай мастер» тячиень иласа минь од ванфса варжаксттама С.Д.Эрьзянь личностенц и творчестванц лангс, азсаськ тянь коряс эсь мяленьконь-арьсеманьконь. А тяфта жа марятама гордость мокшэрзянь народть великай цёранц инкса, конань колга Россиянь инь содаф и оцю искусствоветтне тячи сёрмадыхть: «С.Д.Эрьзя—Россиянь модать гениец!»

 

Тяфта жа тейнек сембонди эряви содамс: тяддень ноябрь ковть песта мокшэрзянь народть великай цёранц лемс Москуса панжеви «Эрьзя-Центра», кона кармай содафнема ломаттнень гениальнай скульпторть уликсонц-наследиянц мархта!

 

Саранскяень Информационно-методическяй центрань этнокультурнай образованиянь отделонь начальниксь М.М.Вельмякина:

 

—Тейне пара мархтонт улемс искусствань тячиень иласа, кона лемтьф минь великай скульптороньконь С.Д.Эрьзянь юбилеенцты. Сяс мес минь сембе лац содасаськ: самай С.Д.Эрьзя эсь творчестванц вельде тиезе содафокс мокшэрзянь народть сембе мирса.

 

Сяс тячиень иласа тейнек марстонь ванфса-мяльса нинге весть эряви варжакстомс С.Д.Эрьзянь эряфонц и творчестванц лангс, коса мокшэрзянь национальнай ширесь фалу ульсь-ащесь васенце вастса, и пачфтемс тя мяльть-ванфть школаса тонафнихненди.

 

Илать цебярьста анокламанкса и ётафтоманкса тейнек тяфта жа эряви азомс оцю сюкпря мокшэрзянь общественнай организациять Саранск ошень Октябрьскяй райононь отделениянц председателенцты В.М.Никоновати и А.С.Кирилловонь лемса Краеведческяй библиотекань сотрудникненди и синь руководительснонды Н.М.Бояркинати.

 

Кода минь няйсаськ, «Мокшэрзянь модань великай мастер» искусствань илась кандсь тейнек сембонди лама од содамоши С.Д.Эрьзянь эряфонц и творчестванц колга. Сяс азса нинге весть, ня од содамошитнень тейнек эряви маштозь пачфтемс школаса тонафнихненди. И синь тяда меле кармайхть маряма сядонга оцю гордость шачема модать инкса, кона шачфтозе-касфтозе мокшэрзянь народонь гениальнай скульпторть, конань лемоц и творчествац цебярьста содафт сембе мирса. А вельдест—мокшэрзянь народсь и Мордовиясь!

 

Саранск ошень П.С.Кирилловонь лемса Краеведческяй библиотекань сотрудниксь Н.В.Тураева:

 

—Кода содаф, Россиянь и омба   масторонь инь содаф искусствоветтне С.Д.Эрьзянь эсь работасост тяни лемнесазь гениальнай скульпторкс. И путнесазь мокшэрзянь народть великай цёранц творчестванц мода-масторонь инь няевикс художникнень творчестваснон мархта фкя серьс!

 

С.Д.Эрьзянь творчествац цебярьста содаф сембе мирса. Скульптуранза, коста ломаттненди няевихть мокшэрзянь национальнай и миронь классическяй культуратне, а тяфта жа христианствань обрасне и символхне, лихневихть выставкас миронь инь содаф музейхнень эса. И тяфта, койсон, кармай фалу!

 

Тяфта жа эряви азомс: С.Д.Эрьзя ульсь оцюдонга оцю труженик, кона тяка пингть фалу тонафнесь. Тонафнесь Алатырьса, Казаньца, Москуса, Италияса, Францияса и фалу вешендсь материал, кона ладяль скульптуранзонды. И музе тя материалть аньцек Аргентинаса, коса работась и эрясь комсь кизода ламос.

 

С.Д.Эрьзя фалу ульсь шачема модань и эсь народонь патриотокс. Тя цебярьста няеви «Мордвин-атя», «Мордвин-крестьянин», «Папироса мархта мордвин», «Мордовка» и лия работанзон эзда.

 

Тяфта жа С.Д.Эрьзя ульсь эсь странань оцюдонга оцю патриотокс. 1951 кизоня, мрдамок Советскяй Союзу, ускозе куду эсь работань оцю коллекциянц. Тоса ульсь 180 скульптура, конат тифт шуфтста, гипсста, бронзаста и мраморста. И синь фалу кармайхть кеняртьфнема эсонк!

 

В.Нестеров.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022