Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«Эжди седи, ванфтсы родной кяльть, учсеф инжикс сувси куттненди»

Ёфси кржа пингта ляткшни «Мокшень правдати» 2022 кизоть васенце пяленцты сёрматфтомать шумордаманцты. Минь, редакцияса работайхне, соткст морафтыеньконь мархта кирттяма фалу, а аф аньцек подпискань пингть. Сяс и сотцесаськ синь мяльснон-арьсемаснон мокшень кяльса лисенди фкя тяка газетать колга. Аф шуроста синь  аф аньцек тиендихть эсь лацонь «анализ» «Мокшень правдати», но и пачфнесазь, мезе ёральхть няемс минцень изданияньконь маластонь номеронзон эса. Кой-коста лувихне вешихть критическяй, тячиень шинь материалхт, а лия случайста учсазь бабаньконь-щаваньконь ярхцамбяльснон рецептснон. И минь старандатама тиендемс семботь, штоба пяшкодемс морафтыеньконь эняльдемаснон. Сяс мес работасонк инь питнись—материалхнень вельде мумс кинять газетать лувиенц седис. Тячи вал макстама ся лувиеньконди, конатненди «Мокшень правдать» эрь номеронц кядезонза сявомац цебярь ялга мархта васедема.
Ковылкинскяй райононь Родькина велеса шачф-касф мокшалясь, тяни эряй Москуса, Сергей Иванович Чумбаев:
—Аф кунара шумордавсь Населениянь Всероссийскяй переписсь. И мон, кода афкуксонь мокшаля, 16-це кизефксть лангс отвечамста, азыне прязень тяфта: мордвин-мокша. А кода лиякс? Тейнек, мокшетненди, пяк и пяк мала сембось, мезсь сотф  минценнеть  мархта. Родной кяльсь, коеньке-обуцяньке, фольклорсь, устнай народнай творчествась и, конешна, «Мокшень правдась». Газетать пяк кельгса и морафнеса. Нинге весть мрдан переписти. Оцю мяльса лувине странасонк тя оцю событияти максф материалхнень. Конешна, Москуву газетась пачфневи шуроста, сяс  мес Россиянь Почтать вельде сонь тяштьфтемс аш кода. Но редакциясь тись эсь лацонь подписка аф Мордовияса эряй мокшетненди—сон сонць кармай кучсема тейнек газета. И сай кизонь 1 январьста сявомок рьвязень, Татьяна Тимофеевнань, мархта карматама получсема «Мокшень правда» Москуса. И пара, што тейнек тяни кармай сашендома эрь номероц.
* * *
Историческяй наукань докторсь, профессорсь, Надежда Фёдоровна Беляева:
—«Мокшень правдать» арьсиензонды-смекаензонды азан оцюдонга оцю спасиба пяк цебярь газетань ноляманкса! Сёрматфнеса сонь фалу. Вов ни киза кода пенсиясан, сяс ули сяда лама пингозе морафнемс, тяконь лувксса и мокшень кяльса лисенди газетать. Тяштьфнеса сонь вели, почтальонць эряй ёфси каршесонк, «Мокшень правдать» каннесы эсь пингстонза.
Улихть кельгома рубрикане и ся материалхне, конатнень эса пачфневи мокшень велетнень историяснон колга. Тяфтама эрь историясь—оцю козяши, конань аф аньцек ванфтома, но и содама.
Аф пяк кунардонь, 11 ноябрень номерса, оцю мяльса морафтыне материалть, конань эса лятфневсть Ельниковскяй райононь Мокшень Мазканя велень содаф ломаттне, конатнень ёткса Мордовия Республикань культурань Заслуженнай работниксь, историческяй наукань кандидатсь Василий Семёнович Ивашкин. Пара, што кирттяда соткст сятнень мархта, кит сонь содазь, кинди ули мезе лятфтамс ня и лия содаф ломаттнень колга.
Газетаста ули кода мумс эрявикс информация сембонди. Сави петемс шумбрашице—вешть тя тевонди ладяй рецепт и корхтак корязонза пчксемать колга врачень мархта. Эряви касфтомс перень сёрот—мусак информациять. Сидеста «Мокшень правдаста» керсесайне тяфтама материалхнень и ванфнесайне синь башка.
Эжди седи, ванфтсы родной кяльть, учсеф инжикс сувси эрь кудти—тянь азса «Мокшень правдать» колга. Арьсян, мархтон согласиндай сонь эрь сёрматфниец.
Т.Альшина.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022