Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Поэтть кайги вайгялец

Колмогемонце кизотнень омбоце пялестост мокшэрзянь литератураса пяк содафокс ульсь мокшень поэтсь Григорий Ильич Ельмеев. Войнаса шавф писательхнень ёткса сон занцесь башка васта.
Шачсь Григорий Ильич 1906 кизонь 26 ноябрьста Рузаевскяй райононь Сузьгярьге мокшень велеса, ашу семьяса. Цёранясь пяк ёрась тонафнемс, но теенза савсь шумордамс аньцек кафта класст, сяда тов ашушись перязе кинц содамошитненди. Аньцек 1933 кизоня Г.И.Ельмеевонди удалась тумс Саранск ошу учителень курсс, а кизода меле работась ни школаса. Тя пингста сявомок газетатнень и журналхнень эса ушедсть лисендема Г.И.Ельмеевонь стихонза, поэтсь пяк кельгозе и содазе устнай народнай творчествать, сяс сувафнезе сонь эсь произведениянзонды. Инь кельгома теманза: Родинати-масторти седикс-ваймокс служамась, сонь араламац, шачема-касома ширть морамац.
Г.И.Ельмеевонь творчествасонза инь оцю васта занци «Полю» поэмац, виихть, козят содержанияс коре и крхкат «Ежка» и «Маза-таза» стихса тяштьф волшебно-фантастическяй ёфксонза. Ужяль, но тяниень ёмла лувихненди синь аш коста морафтомс. Ня произведениятне 1940 кизоня печатлафтольхть «Колхозонь эряф» журналса, а башка ашесть ноляв. Синь кельговихть лувихненди, сёрматфт устно-поэтическяй койхнень крхкаста содазь и лангозост кемоста нежедезь. Аф стак ся пингть сонь лемоц и произведениянза цебярьста содафтольхть мокшэрзянь литератураса. Григорий Ильич ульсь Михаил Безбородовонь творчестванцты мольфтикс и сёрмадсь иттнень колга аф кржа произведения. Да и лиякс ашель кода. Вдь тя темась теенза, кода учителенди, сембода малаль, сон бта марязень иттнень потмоёжеснон, сельмованфснон, мяльснон-арьсемаснон и вешфксснон, тянь сюнеда идень журналхнень эса кармасть сидеста лисендема поэтть стихонза. Тяда башка, сон пяк мазыста и крхкаста няфнезе шачема-касома крайть козяшинц. Вов кода морасыне Г.И.Ельмеев перьфпялень картинатнень «Тундань шитне» стихотворениясонза:
Тон, тундань шиня,
Псиня, валдоня,
Ловнять солафтыть,
Нардайть нардазне.
Уды ляйнять лангс
Тоса варжакстоть,
Эйнь седнянзон
Срафтыть-калафтыть.
Г.И.Ельмеевонь произведениянза темас коре стапт, кода и ся пингонь мокшень лия поэттнень. Нят—сёра видихнень колхозу сувамасна, виень аф ужяльдезь покодемасна, од ломаттнень кельгомасна, ваймамасна, марстонь тевсна и содамошиснон касфтомасна. Но тя ёфси аф корхтай сянь колга, што стихонза ульсть фкя лацоннет лия поэттнень мархта. Григорий Ильичень ульсь сонцень эсь лацонь поэтическяй вайгялец. Аньцек тянкса произведениянзон курок содасайть лиятнень ёткста, синь тёждяста лувовихть, лац шарьхкодевихть.
Кельгом Настанясь,
Пиже лопанясь,
Круглай шаманясь,
Якстерь щёканясь…
сёрмады поэтсь «Настанясь» стихотворениясонза. Сембе тя произведениясь тяштьф мокшень народнай мора лаца. Поэтсь кайги вайгяльса, панжадонь седихть няфтьсыне ся пингонь велеть и ломаттнень эряфснон, синь пичефксснон, таколдомаснон, мяльснон-арьсемаснон, сяс стихонза  ашезь юмафта эсь эрявикс шиснон тячемс, синь сёрматфт тёждя кяльса,  народнай моронь мотивса.
Мокшень поэтть оцюфтольхть творческяй мяленза-арьсеманза, но синь лядсть апак пяшкотть, эряфс апак ётафтт. 1941 кизоня немецкяй фашисттне врьгятсть Родинаньконь лангс. Григорий Ильич тусь войнав и сязевсь эряфоц тяка кизонь сентябрьста вишке бойхнень пингста, кулось кода герой. Мокшэрзянь литератураста тусь пяк смузю поэт. Сон аш минь ётксонк, но кайги вайгялец мзярдонга аф кулы. Ужяль, што литературасонк юксневихть поэттне-фронтовикне. Пара улель, кда синь произведениясна нолдавольхть башка книгакс.
Мокшень поэтсь-фронтовиксь Г.И.Ельмеев пераса и штыкса тюрсь минь Родинаньконь и народоньконь павазу эряфонц инкса. Сон, ушедомок васенце произведениястонза и творчествасонза мекольдень строчкати молемс, кайги вайгяльса, лямбе, ару ваймоса и сембе вийса моразе эряфть, идень павазть и мазы перьфпяльть. Инь цебярь произведениянза тонафневихть школаса, эряйхть мокшэрзянь ломаттнень седиса.
Л.Гаршина,
МР-нь А.С.Пушкинонь лемса Национальнай
 библиотекань сотрудник.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022