Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Как жили и живут мокшане

КУНАРДОНЬ ПИНКНЕНДИ МРДАМОК

1869 кизоня лиссь российскяй педагогть, этнографть, статистикть Владимир Александрович Ауновскяень мордватнень-мокшетнень колга этнографическяй очеркоц. Эсонза авторсь келиста и мялень салайста пачфни Симбирскяй губернияса эряй мокшетнень и эрзятнень колга, но башка мяль шарфни мокшетненди. Этнографсь азонды атяньконь атяснон эряфснон-ащефснон квалма и тиендьсы тянь сяшкава лац, што оцю очеркть морафтсак фкя ваймоса. Газетаньконь тячиень номерсонза макссаськ эздонза сявф кой-кона пакшнень.

 

…Сяда козя ломаттне эрь шинь эряфсост-ащефсост мезьсовок аф явондыхть ашуфнень эзда, кда аньцек сянь мархта, што сяда лама ярхцамбяльдост и щамдост-карямдост. Кода модань соксихть, синь апак пеняцяк кирнесазь стакатнень-сталмотнень и температурать полафнеманзон шумбрашити кальдявонь апак тиентть. Алятне мезьсовок аф лият руснень эзда ронгс-пондс коре и эрьгавкс улемаснон мархта, а мордовкатне—ули кода смелста азомс—кафксть сяда виихть рузонь аватнень коряс. Урматнень ёткста инь сидеста васьфневись сельмонь золотухась, лисенди сянкса, мес мордвась кельгсыне медень пуреть и равчста ушневи куттнень.

 

Мокшэрзятнень пяк лама цебярь ширедост. Синь кельгсазь мирть и трудендамаснон; мекольдень кемонь кизотнень ашесть няендев аф аньцек ломанень шавоматнень, но и грабаматнень и оцю саламань преступлениятнень эса. Тяда башка, корхтамок эздост инь ламотнень колга, синь,  руснень коряс, видешинь сяда кельгихть.

 

Кудъётконь и тонатф лия тефнень эса мордвась аф рузонь крестьяттнень лаца. Кепотьксонди, мокшетнень семьянь соткссна сяда кемот руснень коряс. Ули кода васьфтемс 20 и сяда лама ломаньцта ащи семьят, коса сембе эряйхть марса, мирса и фкя-фкянь шарьхкодезь, и аньцек кда ни ёфси аф сатни вастсь, эряйхть несколька кудга, но фкя пирьфса. Оцюнякс лувови атясь или атять аляц, конань кулхцондсазь сембе. Русне, меколанкт, ичкозет тяфтама патриархальностть эзда, и аф шуроста ётксост уленди, што родной кафта браттне аф ладявихть и явихть.

 

Мордвась пяк шуроста вешенди тефт ширеса. Меколанкт, кельгома велесонза модать мархта сотф тефнень эзда ётка пингста шарфни мяль плотничествати, вирень керомати, вирень изделиятнень анокламаснонды, кельгсы и машты нешкоперень кирдема.

 

Ружьянь мархта охотендамста мордвась няфни сиземань аф содама, конань лангс ули кода каямс сельме. Вешендемок дичь, синь, сявомок мархтост коське кши пакш, шиньберьф якайхть вирьге, ляйнятнень и эрьхкнень трваснон ланга. Няемок добычать, ёрайхть шаштомс сяда малазонза, штоба аф нолдамс сонь. Кой-коста несколькань част ащихть озада кусторкснень или сендихнень потмоса, пцтай каркс видева ведьса, учендомок дичть маладоманц, и кда аф удалай, ётнихть лия вастс. Азф приёмтне тиендевихть снярс, мзярс аф эвондай надияма лац ляцеманди.

 

Тялонь пингть мокшэрзятне охотендайхть сокс лангса и мастеркс тянь тиендьсазь. Охотась, теенза кельгомада башка, канни мордватненди и польза. Добуваф сембе дичть синь мишендьсазь, но нумолонь сивольть сивондьсазь синць.

 

Мордвать эсь лацонь ширензон колга ули кода азомс вов мезе. Мумок цебярь мода, конань лангса шачи урожай, кона аралаф туста вирьса, кона козя ведьса, мордвати, конешна, лоткама лангозонза.

 

Мордвась, корхтамок целайнек колганза, ёню, оржа мялям мархта и аф кальдявста корхтай серьёзнай предметтнень колга. Но тянемс аф содасы грамотать.

 

Грамотас аф содамать туфталоц сянь эса, што мордватне пяк кемоста верондайхть кунардоннети и аш мяльсна тянь тиемс эряфс сувафневи однять мархта. Шарьхкодеманц коряс, цебярь аньцек кунардоннесь, атяннесь, хуш ся ульсь смузьфтома и шава тев. Тяста шарьхкотьф, мес мордвась седикс верондай юрхтаватненди, виряватненди, оборотеттненди, колдуттненди, ведьматненди и козя сонь эрь шиц кунардонь обряттнень, койхнень-обуцятнень, приметатнень мархта, конат нолявихть тевс семейнай и общественнай эряфса.

 


17.03.2022 №10
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин