Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЛЕНГАСТА КОТЦИ

Аф кунара корхтазевонь работас коре фкя ялгазень  мархта. Мархтонза лятфтаськ тя или тона кядьтевса заняф ломаттнень. Пачкодеме карень кодайхненди. Улема, кле, кда и улихть тяфтапт, то кизосот ни, эряфкшуфт, а оттне тянь лангс сатомшка мяль аф шарфнихть. Аф ламода ашень согласинда сонь валонзон мархта, сяс мес вов ни лама киза содаса Рузаевка ошень асу цёрать, карень кодайть Сергей Сергеевич Глуховонь. Тяни ленгаста котцись аноклакшни аф аньцек кунардонь пингонь  пильгсщамат, но и кептернят, паргонят, экосумкат…

 

Шачемас коре С.С.Глухов Рузаевкаста, коса эряй тянивок. Тонафнесь 4№ лицейса математикань и биологиянь класснень эса, меле—Н.П.Огарёвонь лемса Мордовскяй госуниверситетонь Машиностроениянь рузаевскяй институтса.

 

Карень кодама Сергей Сергеевич тонадсь атянц, Алексей Тимофеевич Глуховонь эзда, кона шачемас коре Рузаевскяй райононь Еникеевка (Барановка) велеста.

 

Мзярда ушедоськ карьхнень колга корхтаманьконь, С.С.Глухов кизефтемань содан-аф мезевок ня пильгсщаматнень колга. Цютькада абондонь, но отвечань, што карьхне—нят карьхть. А мезе нинге? А хуш и ся, што аф фкат синь улендихть. Инголи пцтай эрь велеть сонцень каренза ульсть—корязост содаволь коста ломанць сась, мярьктяма, ошу базару или лия тев мельге. Сергей Сергеевич котци и мокшэрзяннет—«атякшкя» мархта. Карьхнень коряс сотцевсь кодама родста-плямаста каннисна. Лиякс азомс, карьхнень мархта сотф содамошитне—тя эсь лацонь башка наука.

 

2018 кизоня Саранскяйса ётафтовсть футболть коряс Миронь чемпионатть кой-кона матченза. С.С.Глухов, тянь мяльса кирдезь, арьсесь лапотьбол народнай налхкома, конань участниконза карьсефт карьса, топське кодаф ленгаста. Сяда тов лапотьболсь тусь мяльс «Кургоня», «Урожаень ши», «Велень ши» и ламоц лия праздникнень пингста.

 

Мастерсь ленгаста кодама тевсонза семботь тиендьсы сонць, аноклакшнесы материалть, а тя ёфси аф тёждя. Кодамать ушеткшнесы пара, валда мяльса-арьсемаса, ваймонь путозь, а работай—виень аф ужяльдезь.

 

С.С.Глухов фалу козякофнесыне содамошинзон атяньконь, синь аляснон эряфснон-ащефснон, ремесласнон, койснон-обуцяснон колга. Тяфтома, валонзон коряс, аш кода кельгома тевсонза. Ламоть колга Сергей Сергеевич пачфни социальнай сетьтнень эзда фкаса «Лапти из Мордовии» группанц эса.

 

Ленгаста кодай мастерсь сидеста примси участия фестивальхнень, выставкатнень эса, пандемиять самс аф пелькст теенза ульсть лама вайгяльбесь: срхксесь и тушендсь лия регионга, коса няфнезе эсь маштомошинц, полафнесь опытса, а стане жа тонафнесь машты кядь лия  ломаттнень эзда.

 

Сергей Сергеевичень мастер-классонзон фалу учсесазь кепотьф мяльса. Кеняртьфти, што эздонза тонафнихть и шабатне. Вдь ули кода ленгаста кодамать ушедомс аф оцю няканяста, а меле валомне ётамс лия паршихненди.

 

Сергей Сергеевич Глухов кунара путсь инголенза цель—козякофтомс велень и школань музейхнень карьса, паргоняса, куймоняса…

 

Тяни моли анокламась пяк оцю праздникти—Очижити, сяс ули  вешфкс Очижинь куймонятненди.

 

Тядде, Россиянь нароттнень культурнай наследиянь кизостост, С.С.Глухов ёрай сяда сидеста улендемс лия региоттнень эса, тонафнемс, азондомс, ётафнемс мастер-класст, штоба ванфтомс ленгаста кодамать кода атянь-атяньконь ремесланц, ванфтомс народонь тя койть. Улихть тердемат примамс участия ламоц фестивальхнень и лия пуромкснень эса Калининградста сявомок Дальняй Востокти молемс.

 

«Тядде ёратама пуромомс карьхненди лемтьф фестивальс Нижняй Новгородть малас. Нинге кизонда мялезе ётафтомс карьса карьсефста омбоце походть Мордовиять мялень салай и мазы вастонзон эзга. Налхктама лапотьболса фестивальхнень и праздникнень эса. Азса, што ленгаста кодамаса, улема, муйне эсь прязень. Но тянь тиендьса, штоба ванфтомс народоньконь  пара тя коенц, атянь-атяньконь ремесласнон колга мялямть»,—азозе ленгаста котци мастерсь С.С.Глухов.

 

Т.владимирова.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022