Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Наша семья

Узбекистанонь Ургенч ошста—Саранскяи!

Узбекистанонь Ургенч ошста—Хорезмскяй вилаятть инь оцю ошстонза и административнай центрастонза мирттне-рьвятне Руслан Каримберганович Бегжанов и Наргиза Шухратовна Джаббарова Мордовиять столицас ётасть эряма несколька кизода инголе. Саранскяи састь «Омба масторса эряй соотечественникнень Мордовия Республикав эсь мяльснон коряс эряма ётамстост содействиянь максомась» Государственнай программать вельде. 2016-2021 кизотнень теенза участникокс арась 2628 ломань, инь ламотне эздост Таджикистанцта, Узбекистанцта, Казахстанцта и Арменияста. 2021 кизоня Мордовияв сась 362 ломань, конатнень 90 процентсна—трудонь кизосот и теест ули кода тиемс путкс республикать социально-экономическяй виияфтоманцты. Сембе синь эряйхть Саранскяйса и Мордовиянь райоттнень эса.
 
 
Тячи оцю мяльса азонттама вяре азф программать участниконц Н.Ш.Джаббаровать и сонь семьянц колга.
 

Наргиза Шухратовнань валонзон коряс, мзярда синь кульсть тя Государственнай программать колга, састь мяльс примамс эсонза участия. Куляксазь-кизефтезь эрявиксть и ушедсть документонь кочкама. Сембось, кле, ётась курокста, кда мезське тушендсь аф стане, тя тевса заняфне лезнесть теест. И эрявикс документтнень удалась кочкамс и тиемс кафта-колма ковста. Тяни Наргиза Шухратовна и Руслан Каримберганович эряйхть Саранскяйса.

Шарьхкотьф, ширде саф ломаттнень мархта корхнемста кяльбрясот шарозь шары тяфтама кизефкс: мес эряма вастонди кочказь Мордовиять, целайнек Россиять. Тянь лангс Н.Ш.Джаббарова отвечась тяфта: «Улема, судьбаньке тяфтама. Мордовияса, Саранскяйса эряйхть пара вайме ломатть. Сонць ошсь мазы, мялень салай. Вестевок ашеме васьфне кяж и аф шарьхкодема мархта. Тяса сембось мялезонк!»

Пади, Мордовиять эряма вастонди кочкамс кой-мзярошкада лездсь и ся, што тяда инголе семьянь азорсь кой-мзярс работась тяса. Сонга азозе, што Саранскяйсь мялезонза тусь эстокиге, эряензовок цебярьхть.

Тяддень февральста Наргиза Шухратовна и сонь иденза—стирец Кумушой и цёраняц Камрон получасть Россиянь гражданства. Семьянь азорсь, кода азфоль, тисы тянь сяльде.

Н.Ш.Джаббарова шачема ширеса шумордась «компьютернай технологият» специальностьс коре колледж. Саранскяйса работай 9№ идень садса воспитательти лездыкс. Тевсь мялезонза, оцю павазкс теенза арси эрь шиня лама шаба мархта васьфнемась. Идень саду якай и мирттнень-рьвятнень цёранясна Камрон. Ёмланясь азозе, што лама ялгадонза и пяк кельгсы боксть. Кумушой тонафни школаса, сон—омбоце классонь ученица, тонафни лац, кеняртьфнесыне сатфксонзон мархта тядянзон-алянзон.

Семьянь азорсь Руслан Каримберганович Бегжанов лама киза заняф строямань тевса.

Мирдсь и рьвясь мзярс эряйхть сивотьф квартираса, но надияйхть, што сяда тов кармай синцень эряма вастсна.

Узбекистанонь Ургенчса Н.Ш.Джаббаровать и Р.К.Бегжановонь эряйхть мала ломаньцна, раднясна, ялгасна. Но синь аф каендайхть, што ётасть эряма Мордовияв. Руслан Каримберганович азозе, што сонь тядяц—рузава, а щятяц шачемас коре Мордовиянь. Ужяль, семьяса тянь колга ванфтовсь аф сяшкава лама информация.

Наргиза Шухратовнань и Руслан Каримбергановичень тяса лама ялгадост. Кой-конатне семьянек или ськамост стане жа сафт Узбекистанцта, улихть и сят, кинь мархта ушедсть ладяма Саранскяи эряма ётамдост меле.

Госпрограммать, конань колга азондомать эзда ушетфоль тя материалсь, кочксесазь ламотне. Колгаст карматама пачфнема «Мокшень правдаса» сяда тов.

Т.Альшина.


12.05.2022 №18
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин