Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Панжевсь Национальнай литературань центра

Пуромксса, кона ётафтовсь Национальнай литературань центраса, васенцекс тись доклад Мордовскяй книжнай издательствать генеральнай директороц, филологическяй наукань кандидатсь Р.И.Акашкина. Сонь мяленц коряс, Национальнай литературань центрась, кона панжевсь Мордовскяй книжнай издательствать видеса, эсь тевонзон вельде кармай няевиста лездома мокшэрзянь литературать и языкознаниять касомаснонды-виияфтомаснонды. Центраса кармайхть ётафневома васедемат республикань писательхнень, поэттнень, культурань и искусствань, наукань деятельхнень мархта, а тяфта жа од книгань презентацият и лия мероприятият. Ня мероприятиятнень пингста тяфта жа кармайхть ванондовома мокшень, эрзянь кялень и литературань учебникнень концепциясна федеральнай государственнай образовательнай стандарттнень, конат кемокстафтольхть ётай кизоня, вешфксснон коряс.

Тя федеральнай государственнай образовательнай стандарттнень вешфксснон коряс Мордовскяй книжнай издательствась тяни кармай ноляма мокшень, эрзянь кялень и литературань электроннай учебникт, учительхненди тонафнемань пособият, прописть, таблицат, лия эрявикс материалхт. Сембе синь сувсихть образовательнай фкя комплектс, конань коряс 1-4 классонь ученикне кармайхть тонафнема мокшень, эрзянь кяльхнень и литературать Мордовиянь и странань лия региононь, коса компактнайста эряйхть мокшэрзят, школатнень эса.

Кода мярьгсь сяда тов Р.И.Акашкина, Мордовскяй книжнай издательстваса меля тяфта жа панчфоль вайгялень сёрмадомань студия. И курок издательстваса лисихть мокшень и эрзянь писательхнень, поэт

тнень васенце аудиокнигасна. Эсост лувихне кульсазь

 

мокшень и эрзянь эрек кяльхнень, мезсь, конешна, лезды синь ванфтомаснонды-виияфтомаснонды и тевс нолямань сфераснон келептемаснонды.

Докладонц аделамда меле Р.И.Акашкина видеопрезентациянь форматса азондсь пуромфненди Мордовскяй книжнай издательствать работанц колга, кона вятеви грантонь сатоманкса.

Сяльде Национальнай литературань центрать инголе ащи задачатнень колга эсь мяленц пуромфненди пачфтезе Россиянь Федерациянь Советонь сенаторсь П.Н.Тултаев. Кода азозе Пётр Николаевич, Национальнай литературань центрать тиевомац-панжевомац—тя оцю события мокшэрзянь письменнай культурать эряфса. И сон эсь тевонзон вельде лезды мокшэрзянь литературати касомс-вииямс, а мокшень и эрзянь кяльхненди—келепнемс тевс нолямань сфераснон. И, тяда башка, цебярьгофтомс мокшень, эрзянь кялень и литературань учебникнень, конат нолявихть Мордовскяй книжнай издательстваса.

Кода мярьгсь сяда тов П.Н.Тултаев, Национальнай литературань центраса, коса кармайхть ётафневома литературати, кяльхненди и культурати лемтьф мероприятият, тяфта жа эряви макссемс эрявикс лезкс мокшэрзянь од писательхненди, поэттненди васенце книгаснон анокламста и нолямста. И Центрати тя работать эряви вятемс кизоньберьф!

П.Н.Тултаевонь мяленц коряс, Национальнай литературань центрати тяфта жа эряви работамс мокшень и эрзянь кяльхнень, журналхнень, газетатнень прябаласнон машфтоманкса. Эрь мезне ванондомс, кода мокшень, эрзянь кяльхне и литературась тонафневихть республикань школатнень эса.

Лиякс мярьгомс, Национальнай литературань центрать площадканзон лангса эряви пуропнемс афкуксонь профессионалхт, конатненди марстонь вийса ули кода машфтомс прябалатнень, конат тячи ащихть мокшень, эрзянь кяльхнень и литературать инголе!

Сяльде пуромксса Национальнай литературань центрать тиевоманц-панжевоманц и инголенза ащи задачатнень колга эсь мяльснон пуромфненди пачфтезь Мордовиянь Оцюнять и Правительствать Администрацияса информационнай политикань Управлениянь отделонь заведующайсь И.И.Скопина, республикань образованиянь министерствань консультантсь Н.В.Салмова, республикань Писателень союзть председателец Т.П.Швецова и ламотне лиятне.

Сяда тов пуромфне кулхцондозь Мордовскяй книжнай издательствань сотрудникть Н.Н.Левинать выступлениянц, конань сон лемдезе Полина Алёшинать творчестванцты. Эсонза сон макссь оцю питне поэтть мокшэрзянь тяниень пингонь литературати путксонцты!

Тяда меле максфоль вал Мордовиянь Заслуженнай поэтти Полина Алёшинати. Сон эсь выступлениясонза тяфта жа макссь оцю оценка Национальнай литературань центрать тиевоманцты-панжевоманцты и лувозень пуромфненди эсь од стихонзон.

В.Нестеров.


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022