Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Ветеранам о ветеранах

выставкась лемтьф Мода алдонь гарнизонть подвигонцты

Саранскяйса 1941-1945 кизотнень военнай и трудовой подвигонь Мемориальнай музейса панжевсь «Мода алдонь гарнизонть подвигоц» лем ала выставка. Лемтьф сон Аджимушкаень каменоломнятнень араламаснон 80 кизонь топодемати и гарнизонть командиронцты Павел Ягуновонди. Выставкать панжемань церемонияс сашендсть ошень школаса тонафнихне.

Стирнятнень и цёранятнень мархта корхнемста Мемориальнай музеень директорсь Николай Кручинкин азондозе: тядде топодсь ведьгемонь киза, кода Аджимушкаень каменоломнятнень эса ушедовсть вешендемань экспедициятне. Мордовиянь поисковикне улендихть тоса 1990 кизоста сявомок и фалу мушендыхть паршихть, конат лездыхть сяда лама содамс ся шитнень колга, мзярда мольфтевсь оборонась. Муфт и солдаттнень ляткссна. Сембе синь оцю почесть мархта калмафт братскяй калмотненди. Николай Андреевич азондозе шабатненди, кода марясак пряцень ня лабиринттнень эса. Тоса фалу кельме, кожфсь летьке. И шобда… Аджимушкаень аралайхненди сашендовсь эрямс тя шобдаса пяле киза. Оборонать историяц пяк седиень ацергофты. Тянь колга азондсь и фильмась, конань няфтезь выставкать панжемста.

Аджимушкай посёлкась ащи Крымонь Керчь ошть маласа. Кевонь таргама васттне содафт кунардонь пинкнень. Ломаттне тарксесть модать алда кев-известняк, тястонь кефнень эзда строяфоль Пантикапей ошсь (тяниень Керчсь), и тя аймаконь лия крепосттне. Модать ала тиевсть афкуксонь лабиринтт и катакомбат. Марстонь кувалмосна 9 вайгяльбеда лама. И вов тя каменоломнятненди Великай Отечественнай войнать пингста валгсть 10 тёжяттнень малава советскяй солдатсь, конат Крымскяй фронтть срадоманц меле лядсть кирдемост фашисттнень, штоба лядыкс войскатне кенерельхть потамс Тамани. Мархтост кяшсть модать алу мала ошнень и велетнень эзда 5 тёжяньшка мирнай эряйсь. Оборонась вятевсь полковникть Павел Максимович Ягуновонь командованиянц ала. Тя ломанць шачсь миньцонк, Мордовияса, Дубёнскяй райононь Чеберчино велеса 1900 кизоня. 1919 кизоня эсь мяльс коре тусь служама Якстерь Армияв. Сон воявась Гражданскяй войнаса, служась Средняй Азияса. 1923 кизоня аделазе Ташкентса военнай школать, сяда тов тонафнесь офицеронь высшай курснень эса. 1939 кизоня Ягунов путфоль Бакунь пехотнай училищати начальникокс. Тя вастса васьфтезе Великай Отечественнай войнать ушедоманцка. Курокста сонь путозь 138-це горнострелковай дивизияти командиркс и кучезь толса фатяф Крыму. 1942 кизонь 14 майста, мзярда фашисттне лиссть Керчти, П.М.Ягунов арась Аджимушкай посёлкать маласа оборонань участкань своднай отрядонь командиркс. Курокста отрядсь повсь окруженияс. Потамс фталу приказ ашель, и полковниксь сась мяльс валгомс каменоломнятненди и тоса кирдемс оборонать. Ягунов аф аньцек пуроптозе «Аджимушкаень каменоломнянь оборонань полкть», но и маштсь ладямонза ломаттнень эряфснон модать ала. Сон тись управлениянь система, штаб, явозень солдаттнень вете батальонга. Пяк кирдсь дисциплинать эса. Июльть кучкаста педа-пес апак содак туфталонкса Павел Максимович шавовсь… Калмонц вешендезь лама киза и музь аньцек 1987 кизоня, строямань тефнень пингста. Тяни геройсь калмаф марстонь калмоса Аджимушкай посёлкаса.

Катакомбатне ёфси аф аноктольхть кувака осаданди. Тяса ашель аф ярхцамбяль, аф лекарстват, аф оружия, аф боеприпаст. Но сембода пяк ашезь сатне ведсь. Инксонза мольфтевсть стака тюремат. «Ведарка ведть полафнеськ ведарка вер лангс»,—тяфта тяштсь дневниксонза фкя боецсь. Фашисттне, мумок эшихнень, пандозь фкять кевса, а омбоцеть шавф солдатонь ловажаса. Ломаттне кочксезь ведь путерькскятнень, конат шудесть пещерать поталакста. Эрти сатневсь чайнай куцюнянь шити. Аф фкя ков тусь сянди, штоба шувомс эши тозк модать ала. Ведсь лиссь аньцек эста, мзярда крхкалмось арась вейхкса этажень кудонь серьса. Шувсть кие мезьса маштсь: киркаса, каймоса, каскаса и нльне куцюса. Лама ломань кулось вачашить, ведьфтома ащемать, ранатнень сюнеда. Но сембодонга лама эряф, несколька тёжянь, нельгсь васенце химическяй атакась. Сят, кит лядсть шиса, тонадсть тиендема газоубежищат.

Немецне сявозь каменоломнятнень 1942 кизонь 31 октябрьста. Пленц повсь пялес кула 48 ломань. А валгсь модать алу кеветие тёжянь, шять, и сядонга лама. Тячемс лувкссна педа-пес апак содак. Вешендемань экспедициятне, конат улендихть тоса эрь кизоня, тяряфнихть мумс мода алдонь гарнизонть архивонц. Кой-кодама документт, дневникт пачкодсть ни историкнень кядьс, но ламошкась нинге кяшфт-прдафт шобдать, кефнень потмоса.

1941-1945 кизотнень военнай и трудовой подвигонь Мемориальнай музейса «Мода алдонь гарнизонть подвигоц» выставкаса ули кода няемс ся паршихнень, конатнень музь вешендемань экспедициятнень пингста Мордовиянь поисковикне. Выставкась кармай панжада тяддень октябрь ковть пенцты.

И.ФАДЕЕВА.


02.06.2022 №21
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин