Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Люди и дела

ПЦТАЙ 60 КИЗА МАРСОТ

Сембе эсь эряфснон Николай Иванович и Надежда Васильевна Калабкиттне ётафтсазь Атюрьевскяй райононь Бораж велеса. И ашель вестевок стама, штоба каендальхть, пеняцяльхть эсь эряфснон лангс. Меколанкт, эсь велеснон колга азондыхть гордостень марязь.

 

—Эрятама родителень юрхта вастса,—мярьгсь Николай Иванович.—Вастоньке пяк цебярь. Хуш пере путт, хуш шуфтонят озафтт, хуш жуватат киртть. Улихть сембе условиятне.

 

Калабкиттне тевфтома аф лядондыхть мзярдовок. Николай Иванович вятьсы эсь хозяйстванц маштозь. Учат кирди, куднармоненза улихть. Надежда Васильевнань тунда кудботмоц пяшксе рассадада, касфни кодама повсь перень сёрот.

 

Николай Иванович шачсь 1940 кизоня. Алянц лац-ряц аф мяляфтсы. Кизоняцоль, мзярда ушедсь Великай Отечественнай войнась. Иван Андреевичень сявозь фашисттнень каршес тюрема. Ульсь геройкс. Казьф лама боевой орденца и медальса. Фкя бойса стакаста ранендафоль. Ускозь поездса госпитали, но Торбееваса Иван Андреевич валгсь, сась куду кулома. 1945 кизоня кулось. Эста Коля цёранцты ульсь вете кизонят. Сонь и сяда оцю брадонц, Иван Ивановичень, касфтозень тядясна, Мария Никифоровна. Мокшавась, удавась, няйсь лама нужада. Но ашезь пеняцякшне эсь эряфонц лангс. Эста сембе тяфта эрясть.

 

Н.И.Калабкин аделазе Боражень школать. Работась «Якстерь тяште», Кагановичень, Свердловонь лемса колхоснень эса. Цёранясь трудонь кельгиель, сталмода аф пелиель. Тоса колхозста прважазь комсомольскяй путёвкань коряс Красноярскяй краи. Эста теенза сембоц ульсь кемзисемге киза. Тоста и сявозь армияв. Служась Камчаткаса.

 

Армияда меле сась покодема и эряма Бораж велезонза. Аделазе Темникавонь механизациянь школать. Аф лама пинге трудендась Темниковскяй райононь Кушка велеса трактористокс. Заочна аделазе Краснослободскяй райононь велень хозяйствань техникумть. Покодсь «Партизанский», «Красное знамя», «Сосновский» совхоснень эса. Ульсь и механизаторкс, и тракторнай бригадань бригадиркс, и Боражень отделенияса управляющайкс, и парторгокс. Сембоц 45 кизода лама макссь велень хозяйствати. Трудонь ветеранць ня кизотнень лятфнесыне гордостень марязь. Кодавок аф юкставихть теенза и хозяйствань вятихне. Аф кржа вий макссть руководительхне И.М.Шалин, А.П.Спиркин, Н.С.Норкин, Е.Т.Ермолаев и лиятне. Синь пингстост мокшалясь  ётафтозень одонь кизонзон, эряфонь инь интереснай пингонц.

 

А Надежда Васильевна Мокшень Козловкань. Родителенза, Василий Ильич и Фёкла Ивановна Прониттне, трудонь кельги, шнама ломаттельхть. Тяфтамкс касфтозь и эсь стирьснон. Стирькс сон  трудендась и Саранскяень ламповай заводса, и идень садса. А 1963 кизоня рьвяясть. Эряма вастонди Калабкиттне кочказь Бораж велеть. Надежда Васильевнань сявозь покодема велень клубу. И пцтай 40 киза макссь культурати. Тя ульсь мзярдовок аф юкстави пингокс. Н.В.Калабкинась сидеста ётафнесь ичкоздень велень праздникт. Ульсь синцень фольклорнай ансамбльсна. А мзяра интереснай ила ётафтсь тя оцю пингста. Сембонь лемсна афи лятфтавихть. Велень клубсь эста работась. Сон сувсесь инь цебярь культурань учреждениятнень ёткс Атюрьевскяй районца. И нят аф шава валхт. Тянь квалма корхтайхть Надежда Васильевнань казненза, конатнень эзда сонь пяк лама.

 

Сай кизоть топоди 60 киза, кода Калабкиттне марсот. И одста, и сиреста эряйхть ладязь, фкя-фкянь шарьхкодезь. Николай Иванович аф мушенды валхт рьванц шнамс. Сембоса сафтсы. Аш кудса стама тев, конань ба сон афолезе машта. Надежда Васильевна шнай мирденц эса. Аф ваномок кизонзон лангс, сон тянивок нинге отькорь. И жуватат урядай, и перень тефт тии. Хозяйствасна оцю, козя. Алянь кядьфтома ёфси аш кода.

 

Родительхневок аф кальдяфт. Надежда Васильевна и Николай Иванович касфтсть вете итть. Андрей лама киза покодсь главнай инженеркс Ромодановскяй районца. Тяни якай Москуву добувама. Татьяна аделась академия, эряй Москуса. Иванонь экономическяй образованияц. Николай заняф строямань тевса. Нина—управляющай банкса. Эряй Москуса. Касыхть кефкие уноксна, уноконь кафта идьсна. Сембонь синь кельгсазь. Финцне ни работайхть, омбонцне вузонь студентт, якайхть школав, идень саду. Калабкиттнень кудса синь фалу учсазь.

 

—Тяни ни тейнек пяк лама аф эряви,—корхтай Николай Иванович.—Инь оцю козяшиньке—тя семьяньке. Хуш и марса аф фалу удалси пуромкшнемс, но мзярда сашендыхть иденьке, уноконьке, кудсонк оцю праздник. Уленди пяк весяла.

 

Эряфснон Калабкиттне шнасазь. И видекс, пеняцямс аш мезень лангс, сембосна синь ули. Марясазь эсь пряснон отькорьста, синць тиендьсазь кудонь сембе тевснон.

 

И.ВЕШКИН.

 


09.06.2022 №22
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин