Поиск по сайту: 
 

Архив
 февраль 
 2018 
пн вт ср чт пт сб вс
   1234
567891011
12131415161718
19202122232425
262728    

 
 

 

События

Родинать араламс ули кинди

20 февральста «Тавла» образованиянь центраса—17№ средняй общеобразовательнай школаса етась пуромкс, кона лемтьфоль Отечествань аралаень шити. Мероприятияса примасть участия Саранск ошень военнай комиссарсь А.Н.Демин, МР-нь военнай комиссарть помощниконза Б.Г.Селантьев и А.М.Чудайкин, Саранск ошень военнай комиссарть старшай помощникоц С.В.Власов.

 

Торжественнай пяльксть ушедомста максфтольхть приписной листт Родинать сай пингонь аралаензонды—школань 10 классонь тонафнихненди. Саранск ошень военнай комиссарсь шарфтозе оттнень мяльснон сянди, што эрь ломанть аньцек фкя шачема-касома мастороц, кошардозень кельгомс и улемс анококс араламс сонь.

 

Тяда меле актовай залть сценанц лангс фкя-фкянь мельге лисендсть школань творческяй коллектифне. Синь морасть патриотическяй морот, кштисть, азондсть родинати лемтьф стихт. Лиятнень коряс сяда пяк мяль салась 1 классонь тонафнихнень выступлениясна. Стирнятне-церанятне кода фкя щафтольхть военнай формаса, кядьсост кирдсть флагт.

 

Мероприятияса стане жа етась торжественнай церемония, конань пингста 17№ школань тонафнихне сувафтфтольхть «Юнармия» всероссийскяй военно-патриотическяй общественнай движенияти. Тяда меле пуромфненди няфтьфоль «Офицеры» кинофильмась.

 

 
                                                                                                О.ЕВДОКИМОВА.

 

20.02.2018

 

 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин