Поиск по сайту: 
 

Архив
 июль 
 2018 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Наши мокшанские сыновья и дочери

И.М.Кшнякинонь шачема шиста 105 кизонь топодемати

ЭРЯСЬ ПАРА ТЕВОНЬ ТИЕНДЕЗЬ
Апак касфнек можна азомс, минь национальнай газетаньке—«Мокшень правдась»—пяк лама тись сермас тонафтомаса, мокшэрзянь народть культуранц кеподеманкса, национальнай кадрань анокламаса…
И аш месть корхтамска, сембоса тяса ули аф емла заслугасна ингольдень главнай редакторхнень, конат нолясть од ваймопожф мокшень газетати, макссезь теенза сембе эсь содамошиснон, асуснон и седиень псиснон. Правас коре ули кода тянь азомс и Атерьста мокшалять И.М.Кшнякинонь колга. Хуш Иван Максимович ответственнай редакторкс  ульсь аф сяшкава ламос, но сембе сяка кадсь лямбе пильгокит газетати. Мокшень журналисттне аф юкснесазь сонь лемонц, сонь пара тевонзон.
Тячи, И.М.Кшнякинонь 105 кизонь юбилейстонза, минь нюрьхкяняста лятфтасаськ: коса шачсь-кассь сон, эряфонь и трудовой кодама ки етась, кодама пара тефт тись.
05.07.2018 №26

 

Тема дня

ЯЛГАКСШИНЬ ХОРОВОДСЬ МАРС ПУРОПТОЗЕНЬ МОКШЭРЗЯНЬ КРАЕНЬ ЭРЯЙХНЕНЬ И ИНЖИХНЕНЬ


 

Республиказонк Миронь чемпионатонь матчнень ванома сашендсть инжихть 44 странаста


 

Спортонь оцю праздниксь тиезень сембонь ялгакс

25 июньцта Саранскяйса «Мордовия Арена» стадионца етась Португалиянь и Иранонь сборнайхнень еткса матчсь. Налхкомать ванома республиканьконь столицас сашендсь омба масторонь лама инжи. Пуромкшнесть футболонь кельгихне Португалияста, Иранцта, Индияста,       США-ста, Швецияста, Китайста, Японияста, Германияста, Австрияста, Колумбияста, Бразилияста, Аргентинаста и ламоц лия странатнень эзда.
Сембода ламоль сайда Иранцта. Иранскяй болельщикне ушедсть пуромкшнема Саранскяи нинге матчта ингольдень шиня и пара мяльса содафнесть ошть мархта, конань колга тяда инголе афи кулендсть. Аф кржась етксост сафтольхть семьянек. Кепотьксонди, иранецне Лалех и Хаджа састь сборнайснон ширенц кирдема колма кизоняса Араш церокшснон мархта. Васенда инжихне ульсть «Мордовское подворье» музейно-этнографическяй комплексса, коса тифнесть лятфнембяленди снимкат и варжазь мокшэрзянь национальнай ярхцамбяльхнень. Меле республикань творческяй коллектифнень морамасна «тердезень» Тысячелетиянь площади. Тяса семьясь рамась сувенирхт, а емла Арашсь нльне эшелясь фонтанца. Кода азозь сувенирнай продукциянь мишендихне, инь оцю вешфкссь Забивакать мархта магнитикненди и брелокненди. Псить самац касфтозе вешфксть и бейсболкатненди.
05.07.2018 №26

 

В Госсобрании РМ

МР-нь Госсобраниять Председателец Владимир Чибиркин васетькшнесь Госдумань депутатть Василий Пискаревонь мархта


 

События

Госдума приняла в первом чтении законопроект, разрешающий доступ родственников пациентов в реанимацию

Государственная Дума на пленарном заседании приняла в первом чтении законопроект,
разрешающий членам семьи посещать пациентов, находящихся в реанимации. Изменения,
которые вносятся в часть 1 статьи 79 федерального закона «Об основах охраны здоровья
граждан в РФ», обеспечивают возможность посещения родителями, иными членами семьи,
законными представителями пациента отделений реанимации и интенсивной терапии при
оказании больному стационарной медицинской помощи. При этом порядок посещения
должен устанавливаться уполномоченным федеральным органом исполнительной власти.
Член комитета Госдумы по охране здоровья, руководитель направления партийного проекта
«Единой России» «Здоровое будущее» Николай Герасименко, внесший на рассмотрение
нижней палаты парламента законопроект, подчеркнул, что принятия этого важного
законопроекта ожидают миллионы людей. «Неоднократно обращались по поводу допуска
родственников в отделения реанимации и интенсивной терапии общественные и пациентские
организации, деятели искусства и культуры», – отметил он.
По словам парламентария, сегодня доступ практически ограничен, так как в законе написано,
что медучреждения должны создавать условия для посещения, но обязанности разрешить
посещения нет.
05.07.2018

 

 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин