Поиск по сайту: 
 

Архив
 ноябрь 
 2019 
пн вт ср чт пт сб вс
    123
45678910
11121314151617
18192021222324
252627282930 

 
 

 

Тема дня

НАЦИОНАЛЬНЫЙ ПРОЕКТ «ОБРАЗОВАНИЕ». РЕГИОНАЛЬНЫЙ ПРОЕКТ «СОВРЕМЕННАЯ ШКОЛА»


 

Чамзинский район: идет строительство водозабора № 2


 

Национальная тематика

Шачф-удалаф сембе тевса мокшава

Улема, аш стама мокшава, кона хуш весть ашезень варчсе виензон кодамань, сюреса
сёрмадомань или стамань тевса. Минь мокшэрзянь мастороньке козя шачф-удалаф асу
ломаньца. Тяфтама ломаттнень колга минь пара мяльса азонкшнетяма газетаньконь
эса. Тячиень номерсовок кельгома лувиеньконди азонттама творческяй ломанть,
машты кядь мокшавать Зинаида Григорьевна Кимеевать колга. Тя авать эса ули
сембось: трудти кельгомась, эрь тевса маштомась, сембе вастова кенеремась,
паронь арьсемась, мазышись. Сембе эряфоц Зинаида Григорьевнань сотф шачема
уженянц, Ковылкинскяй райононь Сире Сомай велеть мархта. Тядянза-алянза,
Евдокия Васильевна и Григорий Михайлович Липатофне, ульсть колхозникт,
шачфтсть-касфтсть, водендасть виде кис 7 шабат. Зинаида Григорьевна
Н.П.Огаревонь лемса Мордовскяй госуниверситетонь филологическяй факультетть
аделамда меле мрдась меки эсь шачема велезонза. 20 киза работась велень школаса
начальнай классонь учителькс. Мзярда школать селгозь, ётась работама Рыбкина
велень идень саду, тяни покоди тоса заведующайкс.
15.11.2019 №45

 

 
 
 

 
НОВОСТИ
 
 
 
 
 
 
 

ЭСОНЗА АФ МАДОНДЫ ТОЛКС ЮРНАЙ МИНЦЕННЕТИ КЕЛЬГОМАСЬ

 
Родной кялень кельги, национальнай коень-обуцянь ванфты, афкуксонь патриот. Тянь ули кода азомс Мордовиянь Инсарскяй райононь Пою велеса шачф-касф мокшавать Анастасия Афанасьевна Шумкинать (Акшаевать) колга. Аф ваномок сянь лангс, што сон лама киза ни аф эряй мокшэрзянь масторса, эсонза аф мадонды толкс юрнай семботи минценнети кельгомась. Мзярда корхнень Анастасия Афанасьевнань мархта, тя шарьхкодевсь эстокиге. А ушедозе азондомать аф эсь колганза, а ёмла родинанц эзда.

 

Уликс легендать мяльс сявозь, атянзон атясна эрясть оцю губор лангса, конань лемоцоль Ош панда ляй, кона кафта ширде шарфоль вирьхнень мархта, а нинге кафта ширде ульсть сери крутоярхт, конатнень ала шудесь Исса ляйсь. Пингонь ётазь карафне ушедсть пяярема и ляйсь полафтозе ведень шудема вастонц, вов эста родонь плямась сась мяльс ётамс эряма такор вастти, коса ульсь кода касфнемс козя урожай, а Иссать трвава кассь поювонь оцю и туста вирь. Вельденза алятне шапондсть од кутт семьяснонды. Тяфта и эвондась велеть лемоц—Пою.

 

Школаса тонафнемстонза Анастасия сидеста ванондсь раскопкатнень мельге, конатнень Ош панда ляйса ётафнезь Мордовскяй госуниверситетонь студенттне и преподавательхне. Синь мушендсть сёвонень кядьгонь пакшт, трудонь кевонь орудият, налонь пет, авань мазоптомат, монетат и лама мезе лия. Кунардонь эряма вастста ламоц муфкснень ули кода няемс Саранск ошса Краеведческяй музейса, улихть синь и велень школань музейса.

 

24.10.2019  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин