Поиск по сайту: 
 

Архив
 февраль 
 2021 
пн вт ср чт пт сб вс
1234567
891011121314
15161718192021
22232425262728

 
 

 

Наши мокшанские сыновья и дочери

Ольга Живайкинась ЛИССЬ СЯСЬКИКС всероссийскяй конкурсса

Старошайговскяй райононь Сире Теризморга велеста мокшень стирнясь Ольга
Живайкина аф кунара кеняртьфтсь оцю сатфксса—сон сяськсь «Золотые кружева
России—2021» прикладной творчествань Всероссийскяй конкурсса. Конкурссь
ётафтовсь онлайн-форматса. Эсонза Ольгась няфтезе мокшекс щаф няканц. Сембе
нарядть стирнясь стазе эсь кядьсонза.
Стамань-кодамань тевти Ольга Живайкинась тонафни «Бабазень арзяняц»
кружокса, кона пуроптф Сире Теризморгань Национальнай культурань центрать
видеса. Тяса шабатне сотцесазь, кода аноклакшневи мокшень щамсь, ся, конань
каннелезь нинге бабаньке-щаваньке и, кона тя велеса ванфтовсь тячемс.
Стирнятне-цёранятне тонафнихть котф лангс сёрмадома, петьксонь, цифксонь,
цёконь тиема, карень, цюлкань, карксонь кодама. Тя кружокс Ольга Живайкинась
сашенды ниле кизот ни, омбоце класста сявомок. Васенда тонафнесь ожнань
кярьксамати. Но сяс мес стирнять фалу мялец лама содамс и маштомс, сон
курокста тонадозе и сюреса сёрмадомать, и карксонь кодамать. Тяни стирнясь
лац содасы мезьста ащи мокшень щамсь и кода тиемс эсонза уликс эрь
элементть.
Мокшень щамонь стама-мазоптома Ольга Живайкинась тонафни машты кядь
мокшавать Анна Ивановна Цыгановать видеса. Сон лездсь анокламс стирняти
«Золотые кружева России—2021» всероссийскяй конкурсти. Анокласть заявка,
сёрмадсть видеоролик, коса няфтьфоль, кода Ольгась стасы някать лангс
национальнай нарядть, эсь кядьсонза тисыне сембе стафкскятнень-
петькскятнень. Фотографиять эзда ули кода няемс—някась лиссь афкуксонь
мокшень баяравакс! Аф стак аноклаец сатозе васенце вастть.
Ольга Живайкинать колга лама шнамань валда азсь Национальнай культурань
центрать директороц С.А.Видясова. Стирнясь, кле, сон асуня, семботь
тонаткшнесы пяк курокста. «Сюреса сёрмадомась—тевсь аф тёждятнень эзда, веши
ломанть эзда аф аньцек маштомоши, но и оцю кирдевомшка. Аф эрь шабати
сафневи. Лия тевсь Ольгать мархта, сон, кда ни сявозень кядезонза
сюретнень-котфнень, аф яви мархтост, мзярс аф тисы тевть педа-пес»,—азозе
Светлана Александровна.
Ольга Живайкинась сафтсы аф аньцек стамань-сёрмадомань тевса. Сонь пяк мазы
вайгялец. Лама пинге ни морси «Лаймоня» идень фольклорнай ансамбльса.
Школасовок стирнять сатфксонза аф кальдяфт, сон тонафни аньцек «нилес» и
«ветес». А нинге Ольгась пяк кельгсы эсь родной кяленц, фалу пара мяльса
корхтай мокшекс.
О.ЕВДОКИМОВА.
18.02.2021 №6

 

Тема дня

23 февраля «Единая Россия» вместе с волонтерскими объединениями проведет всероссийскую акцию «Защитим память героев»

В День защитника Отечества «Единая Россия» проведет возложение цветов к памятникам и мемориалам Великой Отечественной войны. Об этом сообщил руководитель фракции партии в Госдуме Сергей Неверов в ходе онлайн-встречи Президента Владимира  Путина с лидерами думских фракций.

 

«23 февраля весь наш актив, граждане, общественники, депутаты всех уровней, и, конечно, депутаты фракции «Единой России» в Госдуме в знак единства с поколением победителей возложат цветы к обелискам, мемориалам, братским захоронениям во всех регионах и муниципалитетах страны», – сообщил Сергей Неверов.

 

18.02.2021

 

Лямбирский район: дворы в райцентре преображаются


 

«КАТК МАРНЕК МИРСЬ НЯЙСЫ МОРДОВИЯТЬ ПРОДУКЦИЯНЦ!»


 

МР-нь Оцюнять аф лама пингс тевонзон тиендисна Артём Здунов Москуса васетькшнесь Россиянь культурань министрть Ольга Любимовать мархта

15 февральста Москуса ульсь РФ-нь культурань министрть Ольга Любимовать и
МР-нь Оцюнять аф лама пингс тевонзон тиендиснон Артём Здуновонь рабочай
васедемасна. Васедемаса главнай кизефксокс ульсть велень Культурань клубонь
строямась и уликснень петемасна, а стане жа региононь культурань
учреждениятнень эса кинозалхнень оборудованиясна.
«Велень Культурань клупне ломаттненди эрявихть. Минь фалу кирттяма соткст
региональнай власттнень мархта и ваттама ня объекттнень эса сяда тов тевонь
мольфтемать мельге. Тя тейнек эряви, сяс мес од площадкань панжемась и
уликснень петемасна панчсихть ки ломаттнень творческяй маштомошиснон
виияфтомаснонды и мушендомс асуфнень»,—мярьгсь Ольга Любимова.
Эсь ширденза Артём Здунов азсь благодарностень валхт Россиянь Культурань
министерствать лемс Культурань куттнень строямаса лезксонкса и отмечазе, што
Мордовияти велетнень эса Культурань кудонь строямась—тевонь вятемань важнай
направлениясь.
18.02.2021 №6

 

Казнетнень кельгсазь аф аньцек аватне, а алятневок

23 февральста—Отечествань Аралаень шись
Малаткшни алятнень праздниксна—Отечествань аралаень шись. Отечествань аралай
валхне кайгихть кемоста, кулемстост эрь ломанць (сембодонга пяк, койсон,
аватне) марясазь эсь пряснон стане, што синь вакссост улихть лездысна,
эрявикс пингть кядень венептисна и, кда эрявксты, аралайсна.  Мяльса
кирдьсайне алятнень и цёратнень. Шарьхкотьф, што эрсь эздонк арьси, мезе
каземс теест 23 февральста. И тя тиендеви инголенди. Пинге нинге ули, но 
сембе сяка сань мяльс содамс Саранск ошень эряйхнень мяльснон-арьсемаснон ся
казнетнень колга, конат сотфт алятнень малаткшни праздникснон мархта. 
Эстокиге азса, што синь эсьотям явовсть колма группава: практичнайхть или
сят, конат эрявихть эрь шиня, сувенирхт-месть, эсь кядьса тифт.
Сувань Саранск ошть центральнай пялькссонза ащи магазиттнень эзда  фкяти,
коса мезе аньцек аф мишендеви: косметика, парфюмерия, нардамат-месть,
кудъёткса эрявикс паршихть. Мзярс ванондыне витринатнень, мархтон
корхтазевсь мишендись. Мезе, кле, ёрат? Вов, тндян, мялезе содамс, мезе сяда
сидеста рамсихть алятненди казненди тя магазинцта. Кепотьксонди, Отечествань
аралаень шинди. Мишендись отвечась тяфта: «Кинь кодама казненди саты
ярмакоц, стама и рамай. Но эсь эздон азса: мирдезти и цёразти казнетнень
рамамста «кедьста аф лисендян», а рамсян практичнайхть. Кепотьксонди,
нардамат и нараманди эрявксни наборхт. Тяфтама казнетнень синь нолясазь тевс
эрь шиня, сяс шкафнень потмова аф пулиякшнихть. Аф кельгсайне казненди рамаф
сувенирхнень. Алязти работама вастса эрь кизоня казендельхть зажигалкат,
конат путневихть шрать лангс. Ну мезенди фкя аляти тняроть? Ёрдамс кядезе аф
кеподи, вов и ащекшнихть тянемс балконца картононь коробкаса. Алязе кунара
ни пенсияса, а тевс нолязе аньцек фкять эздост».
Мишендить мархта корхнемста сань мяльс, што сон корхтасы видеть.
Лятфнембяленди казнетнень, улема, аньцек лемсна тяфтапт, а меле кармайхть
косовок ужеса эряма, мзярс синь аф ёрдасазь.
Ашень кирде и сувань книгань магазину. Вов ни коста ули кода рамамс казне
эрь праздниконди, хуш кинди. Фантастика, роман, триллер, классика, проза,
поэзия—кочкак мезе мяльце. Но, ужяль, мекольдень пингть кой-кона ломаттнень
эзда сашендови кулендемс, што пингть аф сатнеманц сюнеда (но  тянь лувса
васькафнемакс) синь сявондсть кядезост книга комозьшка кизода инголе. Ну ся
синне тевсь, волясна. А кда аф содасак кодама издания рамамс книгань кельги
ломанти, то пцтай эрь магазинца мишендевихть тя или тона суммас подарочнай
картат. Казят, мярьктяма, 1000 цалковаень тии карта, а меле ялгаце сонць эсь
мяленц коряс кочкай ся магазинцта казне. Тясовок лисема васта ули кода мумс!
Кда нинге весть лятфтамс сувенирхнень, то синьге аф фкя лацоннет. 
Сувенирнайкс улендихть ручкатне, бокалхне, нльне алкогольнай и аф
алкогольнай симомбяль мархта сюлекатне. Кда алясь, мярьктяма, сидеста
симонди чайда или кофеда, тяшни ручкаса, мес тянь теенза аф каземс сонь  хуш
и сувенир лаца? Да и питнес коре синь аф фкат: улихть питнихть, а улихть
сяда уцест.
Аш кода аф лятфтамс и ся казнетнень колга, конат тиендевихть эсь кядьса.
Ламоц аватне кельгсазь кодамаснон. Свитерхт, пуловерхт, кардигатт, шарфт—
мезе аньцек аф        аноклакшнихть мала ломаньцнонды! Тяконь лувксса и 23
февраленди. Но тяса тага содама эрявикс тюсть, размерть и сянь, кельгсыне-аф
казнень получайсь кодаф щапнень.
Сай недялять 23 февральсь. Пинге нинге ули, но,  арьсян, аш месть кадондомс
мекольце шинди казнень рамамать. Колганза сяда пара арьсемс инголи. И
мяляфтомс, казнетнень кельгсазь аф аньцек аватне, а алятневок, хуш и аф
сембе эздост анокт виденцямс тянь эса.
Т.Альшина.
18.02.2021 №6

 

Национальный проект «Цифровая экономика». Региональный проект «Цифровое государственное управление»

В 2020 году Мордовия вошла в число регионов-участников пилотного проекта по апробации технологических решений, реализованных на базе портала госуслуг, в том числе Платформы обратной связи. На официальных сайтах органов госвластии  местного самоуправления размещены веб-виджеты (баннеры) Платформы обратной связи, с помощью которых граждане направляют свои сообщения в органы власти.

 

Кроме того, в рамках  проекта ряд государственных услуг, услуг органов ЗАГС, запись в детский сад и запись на прием к врачу, переведены в электронный вид на портале госуслуг.

 

Реализация проекта Госвеб позволит использовать на территории Мордовии механизм, предоставляющий возможность органам государственной власти и органам местного самоуправления создавать официальные сайты с использованием единого стандарта оформления и единых инструментов наполнения.

 

 

Напомним, что Президентом России Владимиром Путиным были объявлены 12 нацпроектов: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Главная задача национальных проектов – реальные позитивные изменения в жизни каждого российского гражданина и каждой семьи.

 

Мордовия участвует в 56 федеральных проектах, которые являются частью национальных.

 

18.02.2021 №6

 

 
 
 

 
НОВОСТИ
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 
 
 

ЛОМАТТНЕНЬ ЭРЯФСНОН ЦЕБЯРЬГОФТОМАНКСА

31 мартста Мордовиянь Оцюнять аф лама пингс тевонзон тиендисна Артём Здунов ВКС-нь режимса примась участия МР-нь Промышленностень, наукань и од технологиянь министерствать расширеннай коллегиясонза. Совещанияса примасть участия Россиянь Промышленностень и торговлянь министерствать региональнай промышленнай политикань и проектнай управлениянь Департаментонц директороц Виталий Хоценко, региональнай отраслевой министерствань представительхне, республикань инь оцю производствань вятихне тисть итокт кизоньберьфонь работаснонды.

 

Артём Здунов шарфтсь мяль, што регионца трудса заняфнень нилецекс пялькссна покодихть промышленностьса, тя республикань экономикать флагманонзон эзда фкясь. Мордовиянь Оцюнять аф лама пингс тевонзон тиендисна азозень тематнень, конатнень коряс эряви мольфтемс корхтама коллегиять пингста. Васендакиге тя собственностень и предприятиятнень вятемаснон коряс кизефксне. Эряви содамс, кие ащи выгодань получайкс, кие отвечай трудовой коллектифнень инкса. Прябалакс арси собственностень праватнень кядьста кядьс ламоксть ётнемасна, мезсь шоряй предприятиятненди лац-ряц вииякшнемс.

 

08.04.2021  № 13
 

ЗАСЕДАНИЯСЬ ЛЕМТЬФОЛЬ КОРРУПЦИЯТЬ КАРШЕС ТЕВОНЬ МОЛЬФТЕМАТИ

МР-нь Оцюнять аф лама пингс тевонзон тиендисна Артём Здунов 30 мартста ётафтозе Мордовия Республикаса коррупциять каршес тевонь вятемать коряс Комиссиять заседаниянц. Заседанияса ванондозь 2020 кизоня коррупционнай преступлениятнень мархта сотф ситуациять. МР-ть эзга МВД-ть информациянц коряс, ётай кизоня сембе провоохранительнай оргаттне мусть коррупциять мархта сотф 205 преступления, инь оцю талекасна тиф государственнай властень сфераса и сотф разнай уровенень должностной лицатнень оцю вастса улемста закононь колсемать мархта. Приоритетнай направлениятнень эзда фкясь—национальнай       проекттнень эряфс ётафтомста правонарушениятнень инголдамасна, 2020 кизонь работань итокнень коряс, внутренняй тевонь оргаттнень мархта лихтьф 14 тяфтама преступления, корязост карьхцне лувондовсть 1 миллион цалковайть малава, синь мрдафтфт меки. МР-нь Оцюнять аф лама пингс тевонзон тиендисна азозе, што карьхцнень мрдафтомаснон коряс работась пяк важнай—средстватне улест мрдафтфт экономикати и нолдафт республикать виияфтоманцты.

 

08.04.2021  № 13
 

АРТЁМ ЗДУНОВ АЗСЬ СТРАНАНЬ ПРЕЗИДЕНТТИ РЕГИОТТНЕНЬ ФИНАНСОВАЙ СИСТЕМАСНОН ШУМБРАЛГОФТОМАСНОН КОРЯС ПРЕДЛОЖЕНИЯТ

Россиянь Президентсь Владимир Путин мярьгсь кафта недяляньберьф арьсемс тядде региоттнень дополнительнай финансовай ширень кирдемаснон коряс параметрат, штоба сявомс мяльс тя кизефксть Федеральнай Собранияти сай пингонь посланиясонза. Тянь колга азфоль Правительствань члеттнень мархта совещанияса, кона ётафтовсь 31 мартста.

 

«Федерациянь субъекттнень  финансовай положенияснон минь сембе пингть кирдьсаськ контроль ала,—мярьгсь Владимир Путин.—Мекольдень пингть эряфс ётафтовсь лама мера, штоба кирдемс региоттнень ширеснон и максомс теест эрявикс лезкс—васендакиге, конешна, сявоньдсайне мяльс решениятнень, конат примафтольхть пандемиять пингста». Странань Президентсь лятфтазе, што меля нолдафоль 280 миллиард цалковай прямой дотация и нинге 223 миллиард цалковай специальнай бюджетнай кредитт. «Российскяй экономикать пильге лангс стяфтоманцты тенденциятне нинге аньцек кемокснихть, минь тянь лац содасаськ. Аф сембе субъекттнень эса минь няйсаськ деловой активнайшить касоманц, сяс региоттнень доходнай базасна ламода аф стабильнай. Тянкса мялезе кулемс коллеганень, губернаторхнень эзда регионцнон финансовай состоянияснонды анализ, а стане жа предложеният сянь колга, кодама од решеният эрявихть, штоба аф аньцек обеспечендамс региональнай финанснень стабильнайшиснон, но и касфтомс экономическяй вииямать, вов мезсь ащи тейнек целькс—тиемс РФ-нь эрь субъектть кемоста виияфтоманкса основа».

 

08.04.2021  № 13
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин