Архивы PDF

Поиск по сайту:

Архив

Архивы PDF

НОВОСТИ

ВАСЕНЦЕДА МОРДОВИЯСА!

12-15 июльста республикасонк етафтови легкай атлетикать коряс Россиянь чемпионатсь.
Минь тячи гордостень марязь азондсаськ, што Мордовияньке лемневи сембодонга спортивнай республикакс. И тя аф стак. Тянь можна кемокстамс лама примерса. Ваносте, мзяра мекольдень кизотнень Саранскяйса эвондась од спортивнай объектта! Сембе райоттнень эзгавок строяф (или строяви) физкультурно-оздоровительнай комплекст.

08.07.2010 № 26

ШИРЕЗОНК САЙ ТЁЖЯНЬ СПОРТСМЕН

Пресс-конференцияста

Понедельникста, 5 июльста, Саранскяйса Печатень кудса ульсь легкай атлетикать коряс Россиянь чемпионатти лемтьф пресс-конференция. Эсонза примасть участия Мордовия Республикань спортонь, физическяй культурань и туризмань министрсь В.Г.Киреев, сонь заместителец В.В.Цыбусова, Мордовия Республикань легкай атлетикань Федерациять президентоц, высшай спортивнай мастерствань республиканскяй школать директороц М.Л.Храмов, тренерхт, спортсметт, официальнай лия ломатть.

08.07.2010 № 26

УДАЛАЗА КИНТЕ, МЕДАЛИСТТ!

Исяк, 23 июньцта, Саранскяйса Республикань кудса Мордовия Республикань Оцюнясь Н.И.Меркушкин васьфнесь республикань школань ся выпускникнень мархта, конат шумордазь тонафнемаснон золотань медальса.
Арась цебярь традициякс кизоста кизос получсемс тя казнеть республикань Оцюнять кядьста.

24.06.2010 № 24

РЕСПУБЛИКАСОНК УШЕДСЬ РАБОТАМА ВЕЛЕНЬ ВАСЕНЦЕ МИНИ-ГЭС-сь

Мордовия Республикасонк эвондась велень васенце мини-ГЭС-сь. Сон строяф Ковылкинскяй райононь Токмовскяй гидроузелонь плотинать лангс. Мощностец электростанциять 40 кВт, сметнай питнец—37 миллион цалковай. Ня ярмакнень оцю талекасна максфт федеральнай бюджетста.

Етай шуваланяста торжественнайста панчфоль ГЭС-сь. Тяса корхтамстонза Российскяй Федерациянь Велень хозяйствань министерстваста представительсь А.Н.Клюкин азозе, што Мордовиясь няфтсь цебярь пример странань лия региоттненди Агропромышленнай комплексса ресурсонь ванфты технологиятнень тевс сувафнемаса, кепотьксонди, мелиоративнай отрасляса. Сисем тяфтама электростанциянь строямс заявкат аньцек макссть Ставропольскяй крайсь и Севернай Осетиясь, а Мордовияса ни сон ушедсь работама.

Кода азозе Мордовия Республикань Правительствать Председателенц заместителец—велень хозяйствань и продовольствиянь министрсь В.Н.Сидоров,—тя оцю тевти аньцек ушеткс. Республикаванк етай ляйхненди и нльне ляйнятненди ули кода ладямс тяконь лаца мини-электростанцият. И маластонь пингть тя тиеви ни. Ламоц райоттнень эса кармайхть работама мини-ГЭС-т.

17.06.2010 №23

17.06.2010 № 23

АРТ-ПОЕЗДСЬ ТУСЬ ВАСЕНЦЕ РЕЙСС

...2-це июнень мани шиня Саранск ошень машина кинь вокзалть ваксс лоткась пригороднай арт-поезд. Ётайхне-потайхне васенцеда няйсть тяфтама электропоезд, кона мазоптьфоль архитектурнай памятниконь, республикань мазы вастонь фотографияса-мезьса. Нят Ф.Ушаковонь лемса Соборсь, Рузаевка станциянь вокзалсь, Ухтомскяень лемса машина кинь работниконь клубсь.

06.06.2010 № 21

ДИПЛОПТ И КАЗНЕТ— ЖУРНАЛИСТТНЕНДИ

Мордовия Республикань Национальнай политикань министерствась эрь кизоня массовай информациянь средстватнень и журналист- тнень еткса етафни «Зеркало нации» республиканскяй конкурс, конань вельде ули кода виияфтомс журналисттнень творческяй маштомошиснон, козякофтомс национальнай культурать, ванфтомс койхнень-обуцятнень, кяльть, кеподемс-кемокстамс национальнай самосознаниять. Тяда башка, конкурссь лезды кемокстамс соткснень тя или тона национальностень нароттнень ёткса.

24 майста конкурсонь участникне пуромкшнесть МР-нь Печатень куду. Пялькстомати итогонь тиемань торжественнай мероприятияса ульсть МР-нь Национальнай политикань министрсь А.С.Лузгин, сонь заместителец А.И.Карьгин, Финно-угорскяй народонь культурань Поволжскяй центрать директороц Ю.А.Мишанин, официальнай лия ломатть.

Колма номинациява етафтови конкурсти («Лучший этножурналист», «Хранители традиций», «Диаспора: далекая и близкая») максфтольхть сизьгемоньда лама работа: газетаса публикацият, радио и телерепорташт. Участия примась несколька кемотть журналист. Эсь материалсост синь оржаста кепсезь финно-угратнень этническяй культураснон эреклафтоманц мархта сотф кизефкснень. Пара, што казьф журналисттнень еткса улихть «Мокшень правда» газетань сотрудникт: корреспонденттне В.И.Нестеров и О.В.Евдокимова, газетать эсь корреспондентоц И.П.Вешкин. Седи ваксста поздравляндасаськ синь! Сембе сяськихненди максфтольхть МР-нь Национальнай политикань министерствать эзда диплопт и ярмаконь премият.

Тяка шиня тифтольхть итокт районнай газетатнень еткса «Зырнянь-сырнень толга» конкурсти, конань етафтозе Финно-угорскяй народонь культурань Поволжскяй центрась. Сяськихненди стане жа казьфтольхть диплопт и ярмаконь премият. МР-нь образованиянь министерствать эзда диплопт и казнет получасть од сермадыхне.

Няфтьфоль аф оцю концерт.

О.ЕВДОКИМОВА.

27.05.2010 № 20

ЛЯМБЕ И МЯЛЯФТОВИ ВАСЕДЕМА

Тройцяста Мордовиянь Оцюнясь Н.И.Меркушкин

ульсь шачема-касома Иссавелесонза

Инсарскяй райононь Иссавелеса эрь кизоня Тройцяста етафневи Велеть шиц праздниксь. Тя шиня емла родиназост сашендыхть тяса шачфне-касфне сембе вастста. Синь етксост и Мордовия Республикань Оцюнясь Н.И.Меркушкин.

Эрь мезня Николай Иванович сашенды шачема уженязонза семьянь келеса и уленди алянц, Иван Яковлевичень, калмонц лангса. Тяфта ульсь тя мезтьке. Лятфтамок эряфста туф сембе раднянзон-пляманзон, Николай Иванович сувась Святой Мария Магдалинань храмс. Крьвястсть штатолхт, ащесть аф ламос кашт аф молезь, а меле шоворсть праздниконь илань етафнихнень, праздникс сембе сафнень еткс.

Праздниксь Исса Пряса ушедсь шобдавакиге. Площадть вельхксса оцюдонга оцю шар—Саровонь спортонь воздушнай видонь кельгихнень казнесна. Кеняртьфтезь илас пуромфнень эсь мороснон-кштимаснон мархта «Келу» и «Разгуляй» ансамбльхне. Оцю мяльса кулхцонтфоль певицать Нина Спиркинать выступленияц. Морасть аф аньцек артисттне, но праздникс сембе сафне.

Кшиса-салса васьфтезь велеряйхне землякснон Н.И. Меркушкинонь.

27.05.10 №20

27.05.2010 № 20

МОРДОВИЯ РЕСПУБЛИКАНЬ ШИТНЕ—МОСКОВСКЯЙ ОБЛАСТЬСА!

15-17 майста Московскяй областьса ульсть Мордовия Республикань шит, конат лемтьфтольхть Мокшэрзянь народть Российскяй государствань лия нароттнень мархта ладязь эрямаснон 1000 кизонь топодеманцты. Пуромкссь ётась «Все мы—Россия!» девиз ала. Республикань шитнень аноклазь и етафтозь Российскяй Федерациянь Региональнай развитиянь министерствась, Мордовия Республикань Оцюнять Администрацияц, Мордовия Республикань Государственнай Собраниясь, Мордовия Республикань Правительствась, Московскяй областень Правительствась.

20.05.2010 № 19

ПОБЕДАНЬ 65-це ТУНДАСЬ

65 киза ётась ся пингста сявомок, мзярда народоньке, странаньконь армияц сяськозь фашистскяй Германиять. 9-це майста аделавсь Великай Отечественнай войнась. Тя шись арась инь оцю праздникокс аф аньцек минь, но и лия странань ломаттненди.

…10 частста шобдава Саранск ошень Победань площади, Мемориальнай комплексть ваксс войнаса шавфнень лятфтама пуромкшнесь лама ломань. Етксост войнань и трудонь ветератт, школань и высшай учебнай заведениянь тонафнихть. Победань площадьса етафтф торжественнай митинг, коса войнань ветераттнень мархта ряцок ульсть Мордовия Республикань Оцюнясь Н.И.Меркушкин, Мордовия Республикань Правительствать Председателец В.Д.Волков, Мордовия Республикань Госсобраниять Председателенц васенце заместителец В.В.Конаков, Мордовия Республикать эзга главнай федеральнай инспекторсь А.М. Пыков, Саранск ошень администрациянь оцюнясь В.Ф.Сушков, Мордовия Республикань военкомсь А.В.Белоусов и лия официальнай ломатть.

13.05.10 №18

13.05.2010 № 18

ПОДВИГСНА АФ ЮКСТАВИ МЗЯРДОНГА

Саранск ошень Победань площадьса путф мемориальнай знак легендарнай летчикть М.П.Девятаевонь и мархтонза марса фашистскяй пленцта мяньф ялганзон честьс.

06.05.2010 № 17

Учредительхие:

Мордовия Республикань Государственнай Собраниясь и Правительствась;

Главнай редакторсь: И. С. Лушкин

Сайт разработан в студии web-дизайна
Филиал в Республике Мордовия ОАО "ВолгаТелеком".